پاک امریکا تعلقات،2025 میں بڑی پالیسی تبدیلی

امریکی اخبار واشنگٹن ٹائمز نے کہا ہے کہ سال 2025 پاک امریکا تعلقات کے لیے ایک تاریخی موڑ ثابت ہوا۔
اخبار کے مطابق اس برس واشنگٹن کی انڈیا فرسٹ سوچ ختم ہوئی اور پاکستان کو ترجیح حاصل ہوئی۔

واشنگٹن ٹائمز نے لکھا کہ امریکی پالیسی میں یہ تبدیلی مئی کی پاک بھارت جنگ کے بعد سامنے آئی۔
یہ مختصر مگر شدید جھڑپ دونوں ممالک کے تعلقات پر گہرے اثرات چھوڑ گئی۔

اخبار کے تجزیے میں فیلڈ مارشل عاصم منیر اور امریکی صدر ڈونلڈ ٹرمپ کے تعلقات پر خصوصی توجہ دی گئی۔
فیلڈ مارشل عاصم منیر کے دورہ امریکا اور اعلیٰ سیاسی و عسکری قیادت سے ملاقاتوں کو اہم قرار دیا گیا۔

اخبار کے مطابق پاکستان اب ناپسندیدہ ریاست نہیں رہا بلکہ امریکا کا شراکت دار بن چکا ہے۔
ٹرمپ کی جنوبی ایشیا پالیسی میں پاکستان کو مرکزی حیثیت دی گئی ہے۔

ابتدا میں واشنگٹن کی توجہ بھارت کو کواڈ اور دیگر عالمی فورمز کے ذریعے مضبوط بنانے پر تھی۔
اسی دوران اسلام آباد کو سائیڈ لائن کرنے کی توقع کی جا رہی تھی۔

تاہم بھارت کے اندرونی سیاسی حالات بدلتے گئے۔
شخصی آزادیوں پر قدغنیں لگیں اور فوجی کارکردگی غیر یکساں رہی۔
سفارتی سختی نے بھی بھارت کے کردار پر سوالات کھڑے کر دیے۔

واشنگٹن ٹائمز کے مطابق مارچ میں ڈونلڈ ٹرمپ نے ایک خطاب میں پاکستان کی غیر متوقع تعریف کی۔
اس بیان نے واشنگٹن میں پالیسی کی سمت بدل دی۔
اسلام آباد نے اس موقع کو مؤثر انداز میں استعمال کیا۔
محدود تعاون بھی اعتماد میں اضافے کا باعث بنتا گیا۔

اخبار کے مطابق فیصلہ کن لمحہ مئی کی پاک بھارت جھڑپ بنی۔
پاکستان کی فوجی کارکردگی نے ٹرمپ کو حیران کر دیا۔
اسی کارکردگی نے پاک امریکا تعلقات کو ایک نئے مرحلے میں داخل کر دیا۔