انٹرٹینمنٹ
جان سینا نے ریسلنگ کیریئر کو الوداع کہہ دیا
ڈبلیو ڈبلیو ای لیجنڈ جان سینا کا شاندار کیریئر اختتام کو پہنچ گیا
ڈبلیو ڈبلیو ای کے لیجنڈ ریسلر جان سینا نے ریسلنگ کو باضابطہ طور پر الوداع کہہ دیا۔
یہ تاریخی لمحہ واشنگٹن ڈی سی میں ہونے والے سنیچر نائٹس مین ایونٹ میں دیکھنے کو ملا۔
17 مرتبہ کے ورلڈ چیمپئن جان سینا نے اپنے آخری مقابلے میں آسٹریا کے معروف ریسلر گنتر کا سامنا کیا۔
یہ مقابلہ شائقین کے لیے یادگار ثابت ہوا۔
تماشائیوں سے کھچا کھچ بھرے اسٹیڈیم میں مقابلہ شروع سے ہی سنسنی خیز رہا۔
دونوں ریسلرز نے شاندار طاقت اور مہارت کا مظاہرہ کیا۔
کئی مواقع پر مقابلہ جان سینا کے حق میں جاتا دکھائی دیا۔
تاہم گنتر نے مسلسل اور سخت سلیپر ہولڈ لگا کر صورتحال بدل دی۔
جان سینا حیران کن طور پر خود کو بچانے میں ناکام رہے۔
انہوں نے ٹیپ آؤٹ کر کے مقابلہ گنتر کے نام کر دیا۔
اس لمحے پر اسٹیڈیم میں موجود شائقین مایوسی اور حیرت کا شکار ہو گئے۔
فضا جذبات سے بھر گئی۔
مقابلے کے بعد جان سینا نے رِنگ میں اپنے جوتے، آرم بینڈ اور کلائی بینڈز رکھ دیے۔
یہ عمل ریسلنگ سے ریٹائرمنٹ کی واضح علامت سمجھا جاتا ہے۔
رِنگ کے اردگرد موجود ریسلرز اور شائقین نے کھڑے ہو کر انہیں بھرپور خراجِ تحسین پیش کیا۔
تالیاں دیر تک گونجتی رہیں۔
رِنگ سے آخری بار رخصت ہوتے ہوئے جان سینا نے کیمرے کی طرف دیکھ کر مداحوں سے خطاب کیا۔
انہوں نے کہا کہ ان تمام برسوں میں آپ کی خدمت کرنا میرے لیے اعزاز رہا۔
جان سینا نے اپنے مداحوں کا شکریہ ادا کیا۔
یوں ریسلنگ کی دنیا کا ایک سنہرا باب اختتام کو پہنچ گیا۔