head lines
فیلڈ مارشل عاصم منیر کی فوجی تیاریوں کا جائزہ
گوجرانوالہ: چیف آف آرمی سٹاف اور چیف آف ڈیفنس فورسز فیلڈ مارشل سید عاصم منیر نے گوجرانوالہ اور سیالکوٹ گیریژن کا دورہ کیا۔
آئی ایس پی آر کے بیان کے مطابق، فیلڈ مارشل کو فارمیشن کی آپریشنل تیاریوں اور جنگی صلاحیتوں میں اضافے کے لیے کیے گئے اقدامات پر بریفنگ دی گئی۔
انہوں نے فیلڈ ٹریننگ ایکسرسائز اور جدید سمیولیٹر ٹریننگ سہولت کا بھی مشاہدہ کیا۔ فیلڈ مارشل نے فارمیشن کے اعلیٰ پیشہ ورانہ معیار اور مکمل تیاری کی تعریف کی۔
ترجمان پاک فوج کے مطابق، فیلڈ مارشل نے ٹیکنالوجی کے استعمال اور جدید جنگی ماحول میں فوری فیصلے کرنے کی اہمیت پر زور دیا۔
انہوں نے افسران اور جوانوں سے بات چیت کی اور ان کے عزم اور حوصلے کو سراہا۔ فیلڈ مارشل نے سخت، مقصد پر مبنی تربیت کی ضرورت پر بھی زور دیا۔
انہوں نے کہا کہ پاک فوج ہر طرح کے اندرونی اور بیرونی چیلنجز، انتہاپسندانہ نظریات اور تقسیم پسند قوتوں سے نمٹنے کے لیے مکمل طور پر تیار اور پرعزم ہے۔
گوجرانوالہ پہنچنے پر فیلڈ مارشل عاصم منیر کا کور کمانڈر گوجرانوالہ نے استقبال کیا۔