نئی پیٹرول قیمتوں کا اعلان، ایل پی جی سستی

حکومت نے پیٹرولیم مصنوعات کی نئی قیمتوں کا نوٹیفکیشن جاری کر دیا ہے۔ اوگرا کے مطابق نرخ 1 نومبر سے 15 نومبر تک نافذ رہیں گے۔ پیٹرول اور ڈیزل دونوں مہنگے ہوگئے ہیں۔

اعلان کے تحت پیٹرول کی قیمت 2 روپے 43 پیسے بڑھ گئی۔ نئی قیمت 265 روپے 45 پیسے فی لیٹر مقرر کی گئی ہے۔ ڈیزل 3 روپے 2 پیسے مہنگا ہوا۔ اب اس کی فی لیٹر قیمت 278 روپے 44 پیسے ہے۔

تاہم ایل پی جی سستی کر دی گئی ہے۔ اوگرا نے گھریلو سیلنڈر کی قیمت میں 69 روپے 44 پیسے کمی کی ہے۔ اب صارفین کے لیے نیا ریٹ 2 ہزار 378 روپے 89 پیسے فی سلنڈر ہوگا۔ فی کلو قیمت میں بھی 5 روپے 88 پیسے کمی کی گئی ہے۔ یہ تبدیلیں 1 نومبر سے نافذ ہوں گی۔

اکتوبر میں گھریلو سلنڈر کی قیمت 2 ہزار 448 روپے 33 پیسے تھی۔ نئی قیمت اس کے مقابلے میں کم ہے۔ حکومتی فیصلے سے گھریلو صارفین کو معمولی ریلیف ملا ہے۔

ماہرین پہلے ہی پیٹرولیم مصنوعات میں اضافے کا خدشہ ظاہر کر چکے تھے۔ عالمی مارکیٹ میں اتار چڑھاؤ کی وجہ سے قیمتوں میں تبدیلی کی گئی ہے۔ صنعت اور ٹرانسپورٹ سیکٹر پر اس کا اثر پڑے گا۔

پیٹرول کی قیمت کا براہِ راست اثر چھوٹی گاڑیوں، موٹر سائیکلوں اور رکشاؤں پر ہوتا ہے۔ اسی لیے متوسط طبقہ اس اضافے سے زیادہ متاثر ہوگا۔ ڈیزل مہنگا ہونے سے مال برداری اور زراعت کی لاگت مزید بڑھے گی۔ اس کے نتیجے میں اشیائے خورونوش کی قیمتوں میں اضافہ ہو سکتا ہے۔

رپورٹوں کے مطابق حکومت اس وقت پیٹرول اور ڈیزل پر تقریباً 98 روپے فی لیٹر وصول کر رہی ہے۔ جی ایس ٹی صفر ہے۔ تاہم پیٹرول لیوی اور کلائمیٹ سپورٹ لیوی کی مد میں بھاری رقم شامل ہے۔

نئی قیمتیں 15 نومبر تک لاگو رہیں گی۔ اس کے بعد جائزہ دوبارہ لیا جائے گا۔