head lines
پاکستان قطر تعلقات | وزیراعظم شہباز شریف اور قطری وزیر تجارت کی ملاقات
شہباز شریف نے پاکستان کی سرمایہ کار دوست پالیسیوں پر روشنی ڈالتے ہوئے قطری سرمایہ کاروں کو ایس آئی ایف سی (SIFC) فریم ورک کے تحت تعاون کی نئی راہیں تلاش کرنے کی دعوت دی۔
انہوں نے کہا کہ پاکستان میں توانائی، زراعت اور ٹیکنالوجی کے شعبے سرمایہ کاروں کے لیے بہترین مواقع فراہم کر رہے ہیں۔
شیخ فیصل بن ثانی نے قطری قیادت کی جانب سے نیک خواہشات کا اظہار کرتے ہوئے کہا کہ قطر پاکستان کے ساتھ اقتصادی تعلقات کو مزید گہرا کرنے کے لیے پرعزم ہے۔
علاقائی تعاون اور عالمی حمایت
وزیراعظم شہباز شریف نے قطر کی جانب سے علاقائی اور عالمی فورمز پر پاکستان کی مستقل حمایت کو سراہا۔
انہوں نے کہا کہ پاکستان خطے میں استحکام، امن اور ترقی کے لیے قطر کے ساتھ تعاون جاری رکھے گا۔
دونوں رہنماؤں نے اس بات پر اتفاق کیا کہ دوطرفہ تعلقات کو عملی نتائج میں بدلنے کے لیے رابطے مزید مضبوط کیے جائیں گے۔