head lines
پنجاب بلدیاتی انتخابات | الیکشن کمیشن کا نیا فیصلہ
الیکشن کمیشن آف پاکستان (ای سی پی) نے نئی قانون سازی کے باعث پنجاب بلدیاتی انتخابات ملتوی کرنے کا اعلان کیا ہے۔ یہ فیصلہ پنجاب لوکل گورنمنٹ ایکٹ 2025 کے نفاذ کے بعد کیا گیا تاکہ تمام عمل نئے قانون کے مطابق مکمل کیا جا سکے۔
چیف الیکشن کمشنر سکندر سلطان راجہ کی زیرِ صدارت اجلاس میں فیصلہ کیا گیا کہ پنجاب حکومت کو حلقہ بندی اور ڈیمارکیشن رولز کی تیاری کے لیے چار ہفتوں کی مہلت دی جائے۔ اجلاس میں سیکرٹری الیکشن کمیشن، اسپیشل سیکرٹری اور دیگر سینئر افسران شریک ہوئے۔
پنجاب بلدیاتی انتخابات اور نیا قانون 2025
اجلاس میں بتایا گیا کہ پنجاب اسمبلی نے نیا ایکٹ منظور کر لیا ہے جس کی منظوری گورنر پنجاب نے بھی دے دی ہے۔ اس کے ساتھ ہی پنجاب لوکل گورنمنٹ ایکٹ 2022 منسوخ کر دیا گیا ہے۔ الیکشن کمیشن نے اعلان کیا کہ اب تمام پنجاب بلدیاتی انتخابات نئے ایکٹ کے تحت ہوں گے۔
حلقہ بندیوں سے متعلق فیصلہ
الیکشن کمیشن نے 2022 کے تحت جاری شدہ حلقہ بندی نوٹیفکیشنز واپس لینے اور نئے قانون کے مطابق نئی حلقہ بندیاں کرنے کا حکم دیا۔ پنجاب حکومت کو ہدایت دی گئی کہ مقررہ وقت میں رولز مکمل کرے، بصورتِ دیگر کمیشن از خود فیصلہ کرے گا۔