head lines
افغانستان کی صورتحال پر وزیراعظم کا اہم اجلاس — عسکری قیادت کی شرکت
اسلام آباد: افغانستان کی صورتحال پر وزیراعظم شہباز شریف کی زیر صدارت اعلیٰ سطح کا اجلاس جاری ہے جس میں عسکری قیادت، وفاقی کابینہ کے سینئر اراکین اور چاروں صوبوں کے وزرائے اعلیٰ شریک ہیں۔ ذرائع کے مطابق اس اجلاس میں قومی و داخلی سلامتی کے امور اور موجودہ افغان صورتحال پر تفصیلی غور کیا جا رہا ہے۔
وزیراعظم شہباز شریف نے افغان طالبان کی حالیہ جارحیت اور بدلتی ہوئی افغانستان کی صورتحال کے تناظر میں یہ اجلاس طلب کیا، جس میں اہم فیصلے متوقع ہیں۔ اجلاس میں وزیراعظم آزاد کشمیر اور وزیر اعلیٰ گلگت بلتستان بھی شریک ہیں۔
ذرائع کے مطابق وزیر اعلیٰ خیبر پختونخوا سہیل آفریدی نے اسلام آباد میں موجود ہونے کے باوجود اجلاس میں شرکت سے معذرت کرلی۔ اجلاس میں سیلاب سے ہونے والی تباہ کاریوں، متاثرین کی بحالی اور گندم پالیسی پر بھی غور کیا جا رہا ہے۔