انٹرٹینمنٹ
بھارتی اداکار پنکج دھیر کینسر کے باعث 68 سال کی عمر میں انتقال کر گئے
بھارتی فلم اور ٹی وی انڈسٹری کے معروف اداکار پنکج دھیر کینسر کے باعث 68 سال کی عمر میں انتقال کر گئے۔
بھارتی میڈیا رپورٹس کے مطابق وہ طویل عرصے سے کینسر میں مبتلا تھے اور حالیہ مہینوں میں ان کی طبیعت انتہائی خراب ہو گئی تھی۔ علاج کے دوران انہوں نے بڑی سرجری بھی کروائی تھی، مگر طبیعت سنبھل نہ سکی۔
پنکج دھیر نے بھارتی ٹی وی اور فلم انڈسٹری میں کئی یادگار کردار نبھائے۔ ان کے مشہور ڈرامے “مہا بھارت” میں کرن کے کردار نے انہیں بے پناہ شہرت دلائی۔
مداح آج بھی انہیں اس کردار کے ذریعے یاد کرتے ہیں۔
اداکار کے قریبی ذرائع کے مطابق، پنکج دھیر کے پسماندگان میں اہلیہ انیتا دھیر اور دو بچے شامل ہیں۔ بھارتی شوبز انڈسٹری میں ان کے انتقال پر گہرے دکھ اور افسوس کا اظہار کیا جا رہا ہے۔