انٹرٹینمنٹ
ماہرہ خان کا کراچی کی حالت پر افسوس اور محبت بھرا پیغام
پاکستان کی معروف اداکارہ ماہرہ خان نے روشنیوں کے شہر کراچی کی موجودہ حالت پر افسوس کا اظہار کیا ہے۔ انہوں نے انسٹاگرام پر مختلف علاقوں کی تصاویر شیئر کرتے ہوئے لکھا کہ وہ اکثر شہر کی حالت دیکھ کر حیران رہ جاتی ہیں۔ ماہرہ خان کے مطابق اپنے کام کے دوران انہیں ایسے محلوں میں جانے کا موقع ملا جہاں وہ پہلے کبھی نہیں گئیں۔
اداکارہ نے بتایا کہ شہر کے کئی حصوں میں لوگ شدید مشکلات میں زندگی گزار رہے ہیں۔ بجلی کی طویل بندش، کھانے پینے کی قلت اور کچرے کے ڈھیر نے عوام کی زندگی کو مشکل بنا دیا ہے۔ انہوں نے اپنی پوسٹ میں امیر اور غریب طبقے کے درمیان بڑھتے ہوئے فرق پر بھی روشنی ڈالی۔
ماہرہ خان نے کہا کہ مشکلات کے باوجود کراچی کے عوام میں امید، محنت اور محبت اب بھی زندہ ہے۔ انہوں نے بتایا کہ انہوں نے بچوں کو کھیلتے، ماؤں کو چھوٹے باورچی خانوں میں کھانا بناتے اور انہی بچوں کو صبح سویرے مزدوری کے لیے جاتے دیکھا۔