head lines
علی امین گنڈاپور کے استعفے کے بعد اپوزیشن متحرک، نئے وزیراعلیٰ کے لیے مشاورت
پشاور: وزیراعلیٰ خیبرپختونخوا علی امین گنڈاپور کے استعفے کے بعد اپوزیشن جماعتیں متحرک ہوگئیں۔
ذرائع کے مطابق اپوزیشن جماعتوں نے اراکین اسمبلی کو پشاور میں رہنے کی ہدایت دی ہے۔
ذرائع کا کہنا ہے کہ اپوزیشن جماعتوں کے قائدین اہم اجلاس کے بعد اراکین اسمبلی کو اعتماد میں لیں گے۔
اس دوران نئے وزیراعلیٰ کے لیے اپوزیشن امیدوار لانے کا فیصلہ کیا جائے گا۔
جے یو آئی (ف) کے سربراہ مولانا فضل الرحمان بھی پشاور میں موجود ہیں۔
دوسری جانب وزیراعظم کے کوآرڈینیٹر برائے اطلاعات و نشریات اختیار ولی خان نے جیو نیوز سے گفتگو میں کہا کہ متحدہ اپوزیشن نئے وزیراعلیٰ کے لیے مشترکہ امیدوار لائے گی۔
انہوں نے کہا کہ خیبرپختونخوا کی صورتحال پر اپوزیشن کی مشاورت جاری ہے۔
پی ٹی آئی پارلیمنٹیرینز کے جنرل سیکرٹری ملک حبیب نور اورکزئی نے بھی اس حوالے سے بات کی۔
ان کا کہنا تھا کہ وزیراعلیٰ کے لیے اپوزیشن کے مشترکہ امیدوار پر مشاورت ہو رہی ہے۔
انہوں نے مزید کہا کہ اسمبلی میں اکثریت کی صورت میں جے یو آئی (ف) کے امیدوار کو سامنے لایا جا سکتا ہے۔
ان کے مطابق پارٹی آزاد امیدواروں سے بھی رابطے میں ہے۔