news
سلمان خان کا انکشاف: شادی نہیں مگر باپ بننے کی خواہش رکھتے ہیں
بالی ووڈ کے دبنگ ہیرو سلمان خان نے ایک حالیہ انٹرویو میں اپنی ذاتی زندگی سے متعلق ایسا انکشاف کیا ہے جس نے مداحوں کو حیرت میں ڈال دیا ہے۔ ہمیشہ شادی کے سوال پر “نو کمنٹس” کہنے والے سلمان خان نے اس بار اعتراف کیا کہ اگرچہ وہ آج بھی شادی کے خواہشمند نہیں ہیں، لیکن والد بننے کا خیال انہیں سنجیدگی سے متوجہ کر رہا ہے۔ انہوں نے واضح کیا کہ اگر شادی نہیں بھی ہوتی، تب بھی بچے ہو سکتے ہیں، اور وہ اس امکان پر غور کر رہے ہیں۔ سلمان نے یہ بھی مانا کہ اگر ان کی زندگی میں شادی نہ ہونے کا کوئی ذمہ دار ہے تو وہ خود ہیں۔
رشتوں پر بات کرتے ہوئے سلمان خان نے فلسفیانہ انداز میں کہا کہ اگر ایک ساتھی تیز دوڑنے لگے اور دوسرا پیچھے رہ جائے تو تعلقات میں دراڑیں پڑتی ہیں۔ ان کے مطابق، بہتر یہی ہے کہ زندگی میں ساتھ ساتھ چلا جائے، تاکہ کوئی بوجھ نہ بنے اور رشتہ برقرار رہے۔ لگتا ہے “کنوارہ خان” کا لقب اب جلد ہی “ڈیڈی خان” میں بدلنے والا ہے۔