سارہ عمیر کی طلاق کا انکشاف: 9 سالہ شادی کا اختتام

اداکارہ سارہ عمیر نے انکشاف کیا ہے کہ ان کی اور شوہر، ہدایتکار محسن طلعت کی 9 سالہ ازدواجی زندگی ختم ہو چکی ہے۔ ایک حالیہ پروگرام میں گفتگو کرتے ہوئے سارہ نے اپنی زندگی، کیریئر اور ذاتی مسائل پر کھل کر بات کی۔ انہوں نے بتایا کہ ان کی طلاق رئیلٹی شو “تماشا سیزن 4” میں شرکت سے صرف چند ہفتے قبل ہوئی تھی، اور اس مشکل وقت میں انہیں ذہنی سکون کی تلاش تھی۔

سارہ کا کہنا تھا کہ ان کی والدہ چاہتی تھیں کہ وہ ’تماشا‘ میں حصہ لیں تاکہ وہ خود کو آزما سکیں اور دیکھ سکیں کہ وہ مشکل حالات کا مقابلہ کیسے کرتی ہیں۔ سارہ عمیر کے مطابق چونکہ وہ اور ان کے سابق شوہر محسن طلعت ایک ہی انڈسٹری سے تعلق رکھتے تھے، اس لیے روزمرہ کا سامنا کشیدگی کا باعث بنتا رہا، جو بالآخر علیحدگی پر منتج ہوا۔

انہوں نے بتایا کہ وہ اس وقت ایک سنگل پیرنٹ کی حیثیت سے کئی ذہنی اور عملی چیلنجز سے گزر رہی ہیں، اور زندگی میں توازن لانا ان کے لیے ایک مسلسل جدوجہد ہے۔

سارہ عمیر نے ایک پرانے انٹرویو میں انکشاف کیا تھا کہ ان کی محسن طلعت سے پہلی ملاقات اس وقت ہوئی تھی جب وہ صرف 17 سال کی تھیں اور محسن کی عمر 27 برس تھی۔ دونوں کے درمیان تعلق تقریباً 20 سال تک قائم رہا، جس میں سے 9 سال ازدواجی زندگی پر مشتمل تھے۔

یہ انکشاف ان کے مداحوں کے لیے چونکا دینے والا ہے، کیونکہ سارہ کو ہمیشہ ایک پُراعتماد اور متحرک شخصیت کے طور پر جانا جاتا رہا ہے