news
پنجاب میں پہلی AI بیسڈ ڈرائیونگ ٹیسٹ گاڑی متعارف
وزیراعلیٰ پنجاب مریم نواز شریف کی خصوصی ہدایت پر پاکستان کی پہلی آرٹیفیشل انٹیلیجنس بیسڈ ڈرائیونگ ٹیسٹ کار تیار کر لی گئی ہے۔ ڈی آئی جی ٹریفک وقاص نذیر کے مطابق یہ جدید گاڑی لاہور میں ابتدائی طور پر متعارف کرائی گئی ہے جسے بعد ازاں پنجاب کے دیگر شہروں میں بھی استعمال کیا جائے گا۔
گاڑی میں فیشل ریکگنیشن کیمرہ، بائیو میٹرک مشین، چار ایکسٹرنل کیمرے، آٹومیٹڈ ہدایات، کاؤنٹ ڈاؤن ٹائمر، سیٹ بیلٹ اور ہینڈ بریک کنفیگریشن جیسے جدید فیچرز موجود ہیں۔ سب سے اہم بات یہ ہے کہ ایک سے زائد بار ریورس گیئر استعمال کرنے کی صورت میں امیدوار کو خودکار نظام کے تحت فیل قرار دے دیا جائے گا اور ٹیسٹ کا نتیجہ بھی خودبخود اپ ڈیٹ ہو گا۔
یہ گاڑی مکمل طور پر ٹریفک پولیس نے اپنی مدد آپ کے تحت تیار کی ہے، جو پاکستان میں ڈرائیونگ ٹیسٹ کے نظام کو جدید خطوط پر استوار کرنے کی جانب ایک بڑا قدم ہے۔