news
ماورا حسین نے حمل کی افواہوں کی تردید کردی
پاکستانی شوبز کی معروف اداکارہ ماورا حسین نے اپنے بارے میں پھیلنے والی حمل کی افواہوں پر ردعمل دیتے ہوئے انہیں بے بنیاد قرار دے دیا۔ حال ہی میں اداکار امیر گیلانی سے رشتۂ ازدواج میں منسلک ہونے والی ماورا حسین کے حوالے سے سوشل میڈیا پر یہ قیاس آرائیاں کی جا رہی تھیں کہ وہ حاملہ ہیں۔ تاہم اداکارہ نے انسٹاگرام پر اپنی نئی تصاویر شیئر کرتے ہوئے وضاحت دی کہ وہ اس وقت شوہر کے ساتھ محبت بھری زندگی گزار رہی ہیں اور مداحوں سے درخواست کی کہ افواہوں پر یقین نہ کریں اور انہیں آگے نہ پھیلائیں۔ واضح رہے کہ ماورا حسین اور امیر گیلانی کی شادی فروری 2025 میں ہوئی تھی، جس کی تصاویر پاکستان سمیت بھارت میں بھی وائرل ہوئی تھیں۔