head lines
پیٹرولیم ترمیمی بل 2025 کی منظوری، اسمگلنگ اور غیر قانونی پیٹرول پمپس کیخلاف سخت اقدامات
اسمگلنگ اور غیر قانونی پیٹرول پمپس کیخلاف اقدامات مزید سخت ہوگئے ہیں۔ صدر مملکت آصف علی زرداری نے پیٹرولیم ترمیمی بل 2025 کی منظوری دے دی۔
اس قانون کے تحت ڈپٹی کمشنرز، اسسٹنٹ کمشنرز اور کسٹمز حکام کو اب ضبطی کے اختیارات حاصل ہوگئے ہیں۔ مزید برآں، پیٹرولیم مصنوعات کی آئی ٹی بیسڈ ٹریکنگ بھی متعارف کرائی گئی ہے۔
تاہم قانون کی خلاف ورزیوں پر سزائیں پہلے سے زیادہ سخت کر دی گئی ہیں۔ جرمانے بھی بڑھا دیے گئے ہیں تاکہ اسمگلنگ اور ٹیکس چوری کی روک تھام ممکن ہو سکے۔
یہ قانون پیٹرولیم شعبے میں ریگولیشن کو جدید بنانے اور شفافیت بڑھانے میں معاون ثابت ہوگا۔ بعدازاں قومی اسمبلی اور سینیٹ سے منظور ہونے والا یہ بل صدر کو بھجوایا گیا تھا، جہاں اب اسے حتمی منظوری مل گئی۔