news
فیلڈ مارشل سید عاصم منیر کا سیلاب متاثرہ علاقوں کا دورہ
راولپنڈی:
فیلڈ مارشل سید عاصم منیر نے پنجاب کے سیلاب سے شدید متاثرہ علاقوں سیالکوٹ، شکرگڑھ، نارووال اور کرتارپور کا دورہ کیا جہاں انہیں جاری ریسکیو اور ریلیف آپریشنز سے متعلق تفصیلی بریفنگ دی گئی۔ پاک فوج کے شعبہ تعلقات عامہ (آئی ایس پی آر) کے مطابق، فیلڈ مارشل سید عاصم منیر کو بارشوں کے نئے ممکنہ اسپیل اور اس کے اثرات سے نمٹنے کے لیے اٹھائے گئے اقدامات سے بھی آگاہ کیا گیا۔ انہوں نے موقع پر موجود فوجی جوانوں اور سول انتظامیہ کے درمیان موثر رابطہ کاری کو سراہا اور امدادی سرگرمیوں میں مزید تیزی لانے کی ہدایت کی۔
فیلڈ مارشل نے کرتارپور میں سکھ برادری سے بھی ملاقات کی اور متاثرہ افراد کو ہر ممکن تعاون کی یقین دہانی کرائی۔ انہوں نے اس موقع پر گفتگو کرتے ہوئے کہا کہ کرتارپور سمیت تمام مذہبی مقامات کو اصل حالت میں بحال کیا جائے گا تاکہ مقامی اور مذہبی برادری کو کوئی پریشانی نہ ہو۔