news
بھارت کی نئی اسپورٹس پالیسی
بھارتی وزارتِ کھیل نے پاکستان کے حوالے سے نئی اسپورٹس پالیسی متعارف کروا دی ہے جس کے تحت اب بھارت اور پاکستان کے درمیان صرف بین الاقوامی ایونٹس میں مقابلے ہوں گے۔ اس پالیسی کے مطابق دونوں ممالک کے درمیان دو طرفہ کھیلوں کی سیریز نہیں ہو گی، بھارتی ٹیمیں پاکستان کا دورہ نہیں کریں گی اور نہ ہی پاکستانی ٹیموں کو بھارت میں کھیلنے کی اجازت دی جائے گی۔ بھارتی میڈیا کے مطابق وزارت نے وضاحت کی کہ ایشیا کپ جیسے کثیر الملکی ٹورنامنٹ میں بھارتی ٹیم شرکت کرے گی۔ واضح رہے کہ ایشیا کپ اگلے مہینے 9 ستمبر سے متحدہ عرب امارات میں شروع ہو رہا ہے، جہاں روایتی حریف پاکستان اور بھارت 14 ستمبر کو آمنے سامنے ہوں گے۔