news
ڈکی بھائی کی اہلیہ عروب جتوئی کی گرفتاری 30 اگست تک روک دی
لاہور کی سیشن کورٹ نے یوٹیوبر ڈکی بھائی کی اہلیہ عروب جتوئی کی گرفتاری 30 اگست تک روک دی ہے۔ رپورٹ کے مطابق عدالت میں ڈکی بھائی اور ان کی اہلیہ کی ویڈیوز میں جوئے کی پروموشن سے متعلق کیس کی سماعت ہوئی۔ ایڈیشنل سیشن جج نے عبوری ضمانت کی درخواست پر کارروائی کی، جس میں عروب جتوئی کی جانب سے عرفان کلیات ایڈووکیٹ اور راجہ عبدالرحمان رانجھا ایڈووکیٹ پیش ہوئے۔ عدالت نے عروب جتوئی کی عبوری ضمانت منظور کرتے ہوئے انہیں گرفتار نہ کرنے کا حکم دیا اور کیس کی تفتیش میں شامل ہونے کی ہدایت دی۔ مزید برآں عدالت نے آئندہ سماعت پر تفتیشی افسر سے رپورٹ بھی طلب کرلی ہے۔