news
ہانیہ عامر دنیا کی 10 خوبصورت ترین اداکاراؤں کی فہرست میں شامل
پاکستانی اداکارہ اور ماڈل ہانیہ عامر نے شوبز کی دنیا میں ایک اور اعزاز اپنے نام کرلیا ہے۔ وہ آئی ایم ڈی بی (انٹرنیٹ مووی ڈیٹا بیس) کی جانب سے جاری کی گئی 2025-2026 کی فہرست میں دنیا کی 10 خوبصورت ترین اداکاراؤں میں شامل ہوگئی ہیں۔ رپورٹ کے مطابق ہانیہ عامر نے اپنی دلکش شخصیت اور کم وقت میں حاصل کی گئی بے پناہ شہرت کے باعث نہ صرف بالی ووڈ بلکہ ہالی ووڈ کی بڑی شخصیات کو بھی پیچھے چھوڑ دیا۔ اس فہرست میں آسٹریلوی اداکارہ مارگوٹ روبی پہلے نمبر پر، امریکی اداکارہ شیلنی وڈلے دوسرے، چینی اسٹار دلرابا دلمورت تیسرے، کورین اسٹار نینسی مکڈونی چوتھے اور بھارتی اداکارہ کرتی سینن پانچویں نمبر پر موجود ہیں، جبکہ چھٹا مقام ہانیہ عامر کو دیا گیا۔ ساتویں نمبر پر ہالی ووڈ اداکارہ اور ٹام کروز کی مبینہ گرل فرینڈ آنا دی آرمس، آٹھویں پر ایما واٹسن، نویں پر امبر ہرڈ اور دسویں پر ترک اداکارہ و ماڈل ہاندے آرچل شامل ہیں۔