news
روس نے واٹس ایپ کالز پر پابندی عائد کر دی
روس نے انسٹنٹ میسجنگ ایپ واٹس ایپ پر کالز کی سہولت بند کرنے کا فیصلہ کر لیا ہے۔ رائٹرز کے مطابق یہ اقدام اس وجہ سے کیا گیا ہے کہ میٹا کے ذیلی پلیٹ فارم نے دھوکا دہی اور دہشتگردی سے متعلق کیسز میں روس کومطلوبہ معلومات فراہم نہیں کیں۔ یاد رہے کہ 2017 میں چین نے اپنے ’گریٹ فائر وال‘ کے ذریعے بیرونِ ملک سرورز کے ٹریفک کو روکنا شروع کیا تھا اور وہاں صارفین متبادل کے طور پر وی چیٹ استعمال کرتے ہیں، جبکہ شمالی کوریا میں بھی واٹس ایپ پر پابندی ہے۔ اسی طرح متحدہ عرب امارات میں بھی 2017 سے کئی ایپس پر انٹرنیٹ سے انٹرنیٹ وائس اور ویڈیو کالز پر پابندی رہی، البتہ 2020 میں ایکسپو دبئی ورلڈ فیئر کے موقع پر واٹس ایپ سمیت دیگر ایپس پر عارضی طور پر کالز کی اجازت دے دی گئی تھی۔