news
ای سی سی کا پاکستان اسٹیل کی زمین پر انڈسٹریل اسٹیٹ کے قیام کی منظوری
اسلام آباد میں وفاقی وزیر خزانہ محمد اورنگزیب کی زیر صدارت اقتصادی رابطہ کمیٹی (ای سی سی) کے اجلاس میں پاکستان اسٹیل ملز کی زمین پر انڈسٹریل اسٹیٹ قائم کرنے کی منظوری دے دی گئی۔ اجلاس میں وزارت صنعت و پیداوار کی سمری منظور کرتے ہوئے سرکاری انگلش چینل کی اپ گریڈیشن کی بھی اجازت دی گئی۔ای سی سی ذرائع کے مطابق کمیٹی نے 2.82 ارب روپے کی تکنیکی ضمنی گرانٹ کی منظوری دی، جب کہ چمڑے کی درآمد و برآمد کے لیے ہیلتھ سرٹیفکیٹ کی شرط ختم کرنے کا فیصلہ کیا گیا۔ اس کے علاوہ وزارت موسمیاتی تبدیلی و ماحولیات کے لیے بھی ایک ضمنی تکنیکی گرانٹ مختص کی گئی جو ماحولیاتی منصوبوں کی تکمیل میں استعمال ہوگی۔