news
نازیہ حسن کو مداحوں سے بچھڑے 25 برس بیت گئے
پاکستان کی عالمی شہرت یافتہ پاپ گلوکارہ نازیہ حسن کو مداحوں سے بچھڑے 25 برس بیت گئے۔ نازیہ حسن نے اپنی منفرد آواز اور انداز سے پاکستان میں پاپ موسیقی کی بنیاد رکھی، جس کے باعث انہیں “پاکستانی پاپ کی بانی” کہا جاتا ہے۔ وہ نہ صرف ملک میں بلکہ دنیا بھر اور بھارت میں بھی بےحد مقبول رہیں۔ ان کے گانے آج بھی سننے والوں کو مسحور کر دیتے ہیں، جن میں آپ جیسا کوئی، دوستی، ڈسکو دیوانے، آنکھیں ملانے والے اور بوم بوم شامل ہیں۔ نازیہ حسن نوجوان خواتین کے لیے ایک آئیکون تھیں جنہوں نے موسیقی میں اپنا مقام بنانے کا حوصلہ دیا۔ مداح آج بھی ان کے فن اور شخصیت کو محبت سے یاد کرتے ہیں۔