news
امر خان کا نسیم وکی اور افضل خان کے ساتھ ڈانس، ویڈیو سوشل میڈیا پر وائرل
پاکستان شوبز انڈسٹری کی معروف اداکارہ و مصنفہ امر خان کی ایک ڈانس ویڈیو سوشل میڈیا پر تیزی سے وائرل ہو رہی ہے، جس میں ان کے ساتھ کامیڈین اداکار نسیم وکی اور افضل خان بھی موجود ہیں۔ ویڈیو میں امر خان ملکہ ترنم نورجہاں کے مقبول گانے “جھانجر دی پاواں چھنکار” پر سفید شلوار قمیض میں رقص کرتی دکھائی دے رہی ہیں، جبکہ نسیم وکی اور افضل خان بھی گانے کے انداز کو انجوائے کرتے نظر آتے ہیں۔
سوشل میڈیا صارفین نے اس ویڈیو پر دلچسپ تبصرے کیے، کچھ نے کہا کہ امر خان نے نہایت جوش و خروش سے اداکارہ انجم کو خراجِ تحسین پیش کیا ہے، جبکہ ایک صارف کے مطابق ایسے جوشیلے انداز اور چہرے کے تاثرات کے ساتھ پرفارم کرنا ایک فن ہے جو ہر کسی کے بس کی بات نہیں۔