head lines
آئی جی خیبرپختونخوا: باجوڑ میں ٹارگٹڈ کارروائیاں جاری، دہشتگردوں کی تعداد بتانا ممکن نہیں
آئی جی خیبرپختونخوا ذوالفقار حمید نے کہا ہے کہ باجوڑ میں دہشتگردوں کی درست تعداد بتانا ممکن نہیں، تاہم علاقے میں ٹارگٹڈ اور انٹیلی جنس بیسڈ کارروائیاں جاری ہیں۔
ان کا کہنا تھا کہ خار سمیت دیگر علاقوں میں پولیس تعینات کر دی گئی ہے اور قائم کیے گئے کیمپس پر سیکیورٹی کا بندوبست کیا گیا ہے۔ آئی جی کے مطابق رضاکارانہ نقل مکانی کرنے والوں کے لیے پولیس اور انتظامیہ نے ضروری انتظامات مکمل کر لیے ہیں، جبکہ میڈیکل، کھانے اور دیگر سہولتیں بھی فراہم کی جا رہی ہیں۔