head lines
عمران خان کے طبی معائنے کیلئے پمز اسپتال کی ٹیم اڈیالا جیل پہنچ گئی
راولپنڈی کی اڈیالا جیل میں بانی پاکستان تحریک انصاف عمران خان کے طبی معائنے کے لیے پمز اسپتال کے چار رکنی ڈاکٹرز کی ٹیم پہنچ گئی۔ ٹیم میں ای این ٹی اسپیشلسٹ ڈاکٹر الطاف حسین، ڈینٹل اسپیشلسٹ ڈاکٹر عمر فاروق، ڈاکٹر محمد علی عارف اور ڈاکٹر عامر سلیم شامل ہیں۔
جیل ذرائع کے مطابق یہ ٹیم عمران خان کا مکمل طبی معائنہ کرے گی اور تفصیلی رپورٹ پمز اسپتال کو جمع کرائے گی، جبکہ عدالت میں پیشی کے لیے خصوصی سیکیورٹی بھی طلب کی گئی ہے