news
ترکیہ کے صوبہ بالیق اسیر میں 6.1 شدت کا زلزلہ
ترکیہ کے صوبہ بالیق اسیر میں 6.1 شدت کا زلزلہ آیا جس کے جھٹکے استنبول سمیت متعدد قریبی صوبوں میں محسوس کیے گئے۔ عالمی میڈیا کے مطابق زلزلے کی گہرائی 10 کلومیٹر تھی اور اس کے بعد 4.6 اور 4.1 شدت کے آفٹر شاکس بھی ریکارڈ کیے گئے۔ ترکیہ وزیر داخلہ علی یرلیکایا نے بتایا کہ زلزلے کا مرکز ضلع سیندیرگی تھا، جبکہ ریسکیو ادارے آفاد اور دیگر محکمے فوری طور پر متاثرہ علاقوں میں پہنچ کر نقصان کے جائزے اور عوام کی حفاظت کے لیے اقدامات کر رہے ہیں۔ زلزلہ مقامی وقت کے مطابق شام 7 بج کر 53 منٹ پر آیا، تاہم ابتدائی اطلاعات کے مطابق کسی جانی یا مالی نقصان کی اطلاع نہیں ملی۔