news
قلات میں فتنہ الہندوستان کے 8 دہشتگرد ہلاک، سیکیورٹی فورسز کا کامیاب آپریشن
بلوچستان کے ضلع قلات میں سیکیورٹی فورسز نے انٹیلیجنس اطلاعات کی بنیاد پر ایک کامیاب آپریشن کے دوران فتنہ الہندوستان نامی تنظیم کے آٹھ دہشتگردوں کو ہلاک کر دیا ہے۔ پاک فوج کے شعبہ تعلقات عامہ (آئی ایس پی آر) کے مطابق، آپریشن میں دہشتگردوں کے ٹھکانوں کو مؤثر طریقے سے نشانہ بنایا گیا، جس کے نتیجے میں دہشتگردوں کے ساتھ فائرنگ کا شدید تبادلہ ہوا۔
فورسز کی بروقت کارروائی کے نتیجے قلات میں آٹھ دہشتگردوں کو جہنم واصل کر دیا گیا جبکہ ان کے قبضے سے بھاری مقدار میں اسلحہ، گولہ بارود اور دھماکہ خیز مواد بھی برآمد کیا گیا۔ آئی ایس پی آر کے مطابق ہلاک دہشتگرد ملک دشمن سرگرمیوں اور دہشتگردی کے متعدد واقعات میں ملوث تھے۔
بیان میں مزید کہا گیا ہے کہ پاکستان کی سیکیورٹی فورسز ملک میں ہندوستانی سرپرستی میں ہونے والی دہشتگردی کے خاتمے کے لیے پرعزم ہیں، اور ایسے تمام عناصر اور ان کے سہولت کاروں کو جلد انصاف کے کٹہرے میں لایا جائے گا