news
پاور سیکٹر کا گردشی قرض کم کرنے کیلئے بینکوں سے ادائیگیاں رواں ہفتے شروع
پاور سیکٹر کے گردشی قرض میں نمایاں کمی کے لیے حکومت اور کمرشل بینکوں کے درمیان طے پائے گئے معاہدے کے تحت رواں ہفتے بینکوں سے قرض کی ادائیگیاں شروع ہونے کا امکان ہے۔ اس معاہدے کے مطابق بینک ایک ہزار 272 ارب روپے فراہم کریں گے جن میں سے 683 ارب روپے پاور ہولڈنگ کمپنی کے سود کی ادائیگی، 80 ارب روپے گیس کے پاور پلانٹس کو اور 512 ارب روپے دیگر آئی پی پیز کو ادا کیے جائیں گے۔
اس اقدام سے گردشی قرض کے حجم میں 80 فیصد سے زائد کمی متوقع ہے جبکہ 561 ارب روپے کا گردشی قرض اصلاحاتی عمل کے ذریعے ختم کرنے کا پلان بھی تیار کیا گیا ہے۔ قرض کی واپسی صارفین کی جانب سے 3 روپے 23 پیسے فی یونٹ ڈیٹ سرچارج کے ذریعے کی جائے گی، جس سے حکومت کو پاور سیکٹر کے مالی بوجھ میں نمایاں کمی لانے میں مدد ملے گی۔