head lines
پنجاب اسمبلی: 26 معطل ارکان کے خلاف نااہلی ریفرنسز، اسپیکر نے کارروائی شروع کر دی
پنجاب اسمبلی کے 26 معطل ارکان کے خلاف نااہلی ریفرنسز پر اسپیکر پنجاب اسمبلی ملک احمد خان نے کارروائی کا آغاز کر دیا ہے۔ ترجمان کے مطابق اسپیکر کو آئین کے آرٹیکل 63(2) اور 113 کے تحت یہ ریفرنسز موصول ہوئے ہیں، جن پر اسپیکر نے تمام معطل ارکان کو ذاتی سماعت کا موقع دینے کا فیصلہ کیا ہے۔
اسپیکر کا کہنا ہے کہ ارکان اسمبلی کو آئین کے آرٹیکل 10A کے تحت شفاف اور منصفانہ سماعت کا حق حاصل ہے، اور انہیں مکمل دفاع کا موقع فراہم کیا جائے گا۔ ریفرنسز کی سماعت 11 جولائی کو صبح 11 بجے اسپیکر کے چیمبر میں ہوگی۔ آئینی تقاضے کے مطابق اسپیکر کو ان ریفرنسز پر 30 دن کے اندر فیصلہ دینا لازم ہے۔