news
عاصم اظہر اور ہانیہ عامر کی قربتیں؟ ڈیٹنگ کی افواہیں پھر سرگرم
اداکار اور گلوکار عاصم اظہر ایک بار پھر خبروں کی زینت بن گئے ہیں، اور اس بار وجہ ان کی سابقہ دوست اداکارہ ہانیہ عامر کے ساتھ تعلقات کی افواہیں ہیں، جو ایک بار پھر سوشل میڈیا پر سرگرم ہو چکی ہیں۔ عاصم اظہر نے حال ہی میں ماڈل میرب علی سے منگنی ختم کرنے کا اعلان کیا، جس کے بعد سے سوشل میڈیا پر چہ مگوئیاں جاری ہیں کہ وہ دوبارہ ہانیہ عامر کے ساتھ قریبی تعلق میں ہیں۔ ان افواہوں کو اس وقت مزید تقویت ملی جب ایک ویڈیو میں عاصم اظہر کو پیلے رنگ کی ایک مخصوص برانڈ کی کیپ پہنے دیکھا گیا، اور اسی دن اداکارہ ہانیہ عامر نے انسٹاگرام پر اسی رنگ اور برانڈ کی کیپ پہنے ایک اسٹوری پوسٹ کی۔ سوشل میڈیا صارفین کا کہنا ہے کہ یہ محض اتفاق نہیں، بلکہ اس میں کچھ نہ کچھ ضرور ہے، تاہم بعض لوگ اسے اتفاقی مماثلت بھی قرار دے رہے ہیں۔ مداحوں کا کہنا ہے کہ عاصم اور ہانیہ شاید ایک بار پھر ایک دوسرے کے قریب آچکے ہیں لیکن موجودہ حالات کے پیش نظر وہ اسے عوامی سطح پر ظاہر کرنے سے گریز کر رہے ہیں۔