پاکستان کا تاریخی اقدام: اسٹریٹجک بِٹ کوائن ریزرو کا قیام

پاکستان کا تاریخی اقدام ’’اسٹریٹجک بِٹ کوائن ریزرو‘‘ کے قیام کا باضابطہ اعلان کر دیا ہے، جو ملک کی مالی خودمختاری کا مظہر اور عالمی اقتصادی منظرنامے میں ایک ابھرتے ہوئے مضبوط کردار کی علامت ہے۔ وزیرِاعظم کے معاونِ خصوصی اور بلاک چین ٹیکنالوجی کے ماہر بلال بن ثاقب کی قیادت میں پاکستان اب صرف ایک صارف ریاست نہیں بلکہ جدید ڈیجیٹل ٹیکنالوجی کا فعال معمار بننے جا رہا ہے۔ دنیا بھر میں 40 ملین سے زائد کرپٹو صارفین کے درمیان پاکستان کی موجودگی اب پہلے سے کہیں زیادہ نمایاں ہو چکی ہے۔ اس پیش رفت کے تسلسل میں ’’ڈیجیٹل ایسیٹس اتھارٹی‘‘ کا قیام بھی عمل میں لایا جا رہا ہے، جو بین الاقوامی سرمایہ کاروں کو پاکستان کی جانب راغب کرنے میں کلیدی کردار ادا کرے گا۔پاکستان کا تاریخی اقدام اوورسیز پاکستانیوں کو آسان اور کم لاگت طریقے سے رقوم بھیجنے کے لیے ’’اسٹیبل کوائنز‘‘ کا نفاذ متعارف کرایا جا رہا ہے، جو ملکی معیشت کو نئی توانائی فراہم کرے گا۔ نوجوان نسل کے لیے ویب 3.0 اور مصنوعی ذہانت سے متعلقہ تربیتی پروگرامز کا آغاز ہو چکا ہے، جس سے پاکستانی افرادی قوت عالمی ڈیجیٹل مارکیٹ میں مسابقتی برتری حاصل کرے گی۔ عالمی بلاک چین کمپنیوں کی جانب سے پاکستان میں سرمایہ کاری پر مثبت ردعمل بھی سامنے آیا ہے، جو ملکی پالیسی پر اعتماد کی عکاسی کرتا ہے۔ یہ تمام اقدامات پاکستان کی ڈیجیٹل خودمختاری کو تقویت دے رہے ہیں اور مستقبل میں پاکستان کو کرپٹو اور ٹیکنالوجی کے میدان میں ایک قائدانہ حیثیت دلانے کی سمت گامزن ہیں۔ موجودہ حکومت کی سنجیدہ اور مربوط کاوشیں ملک کو ڈیجیٹل ترقی کے ذریعے معاشی استحکام کی جانب لے جا رہی ہیں، اور آنے والا وقت پاکستان کے لیے ٹیکنالوجی اور خوشحالی کا نیا دور ثابت ہو سکتا ہے۔