news
وفاقی کابینہ کا اجلاس: پیٹرولیم لیوی کا اختیار پیٹرولیم ڈویژن کو منتقل
وزیر اعظم شہباز شریف کی زیر صدارت وفاقی کابینہ کا اجلاس پارلیمنٹ ہاؤس اسلام آباد میں منعقد ہوا، جس میں ملک کی مجموعی صورتحال کا تفصیلی جائزہ لیا گیا۔ اجلاس میں وفاقی کابینہ کو قومی سلامتی کمیٹی کے فیصلوں سے بھی آگاہ کیا گیا۔ کابینہ نے ایران اور اسرائیل کے درمیان کشیدگی میں کمی پر اطمینان کا اظہار کیا اور اس دوران وزیر اعظم شہباز شریف، آرمی چیف فیلڈ مارشل عاصم منیر اور نائب وزیر اعظم اسحاق ڈار کی کوششوں کو سراہتے ہوئے اُن کے کردار کو خراج تحسین پیش کیا۔ وفاقی کابینہ کا اجلاس کے دوران فنانس بل برائے مالی سال 2025-26 میں مجوزہ ترامیم اور تجاویز پر وزیر خزانہ نے کابینہ کو تفصیلی بریفنگ دی، جس کے بعد کابینہ نے فنانس بل کی منظوری دے دی۔ مزید برآں، وفاقی کابینہ نے پیٹرولیم لیوی کے تعین کا اختیار باقاعدہ طور پر پیٹرولیم ڈویژن کو منتقل کرنے کی منظوری دے دی، جو اس اہم فیصلے کا مرکزی نکتہ رہا۔