news
پاکستان اسٹاک ایکسچینج میں 6948 پوائنٹس کی مندی، کاروبار عارضی طور پر معطل
کراچی: پاکستان اسٹاک ایکسچینج (PSX) میں جمعرات کے روز شدید مندی دیکھنے میں آئی، جس کے باعث کاروبار کو ریگولیٹری اصولوں کے تحت عارضی طور پر معطل کرنا پڑا۔
کاروباری ہفتے کے چوتھے دن مارکیٹ کا آغاز ہی منفی رجحان سے ہوا، اور ابتدائی گھنٹوں میں ہی کے ایس ای 100 انڈیکس میں 1346 پوائنٹس کی کمی دیکھی گئی، جس کے بعد مارکیٹ 108,662 پوائنٹس تک آ گئی۔
تاہم دوپہر تک صورتحال مزید خراب ہو گئی، اور جب انڈیکس میں کمی 6948 پوائنٹس تک پہنچ گئی تو ٹریڈنگ کو روک دیا گیا۔ یہ کمی مارکیٹ کے کل حجم کا 5 فیصد سے زائد ہونے کی وجہ سے ریگولیٹری اصولوں کے مطابق عارضی معطلی کا سبب بنی۔ پاکستان اسٹاک ایکسچینج
اس وقت KSE-100 انڈیکس 103,060 پوائنٹس کی سطح پر معطل ہے۔ PSX انتظامیہ کی جانب سے ٹریڈنگ کی معطلی کا باقاعدہ نوٹیفکیشن جاری کر دیا گیا ہے۔
بازار میں اس غیر معمولی مندی کی وجہ موجودہ جغرافیائی اور سیاسی تناؤ بتایا جا رہا ہے، جس نے سرمایہ کاروں میں بے چینی کو جنم دیا ہے۔