news
حنا الطاف کا بھارتی فنکاروں کو ان فالو کرنے کا مطالبہ
کراچی: معروف اداکارہ و میزبان حنا الطاف نے موجودہ پاک بھارت کشیدگی کے تناظر میں بھارتی فنکاروں کی خاموشی اور رویے پر شدید ردعمل دیا ہے، اور پاکستانی عوام سے اپیل کی ہے کہ وہ ایسے فنکاروں کو ان فالو اور ان سبسکرائب کریں جو ہمارے دکھ میں شریک نہیں۔
سوشل میڈیا پر جاری پیغام میں حنا الطاف نے نام لیے بغیر بھارتی فنکاروں کو تنقید کا نشانہ بنایا اور کہا کہ پاکستان اپنے اور بھارت دونوں ممالک میں ہونے والے جانی نقصان کی مذمت کرتا ہے، لیکن یہ دل خراش ہے کہ جب ہم سوگ میں ہوں، وہ جشن منا رہے ہوں۔
انہوں نے پاکستانی عوام سے گزارش کی کہ وہ ان بھارتی فنکاروں کو ان فالو کریں، اور اُن پاکستانی فنکاروں سے بھی محتاط رہیں جو وطن کی بات پر خاموشی اختیار کرتے ہیں۔ ان کا کہنا تھا کہ ہم ہمیشہ امن اور دوستی کی بات کرتے ہیں، لیکن یہ یکطرفہ نہیں ہو سکتا۔
اداکارہ نے زور دیا کہ دکھ کی گھڑی میں خاموش رہنے والے وہ لوگ ہیں جن سے ہمیں فاصلہ رکھنا چاہیے، کیونکہ صحیح اور غلط کے بیچ خاموشی بھی ایک پوزیشن ہوتی ہے