پاکستان کا مؤثر جواب: بھارت نے 3 طیاروں کی تباہی اور 7 ہلاکتوں کا اعتراف کر لیا

بھارتی میڈیا اور سیکیورٹی ذرائع نے تصدیق کی ہے کہ پاک فوج کی جوابی کارروائی میں بھارت کے 3 لڑاکا طیارے تباہ ہوئے ہیں۔ ان طیاروں میں 3 رافیل شامل ہیں جو مختلف مقامات جیسے بھا ٹنڈا، اونتی پورہ اور اکھنور کے قریب گر کر تباہ ہوئے۔ اس کے علاوہ مقبوضہ کشمیر میں پاکستانی گولہ باری سے بھارتی چیک پوسٹوں پر 7 ہلاکتیں اور 35 زخمیوں کی اطلاعات ہیں۔

ذرائع کے مطابق پاکستان نے بھارتی جارحیت کا منہ توڑ جواب دیتے ہوئے بھارتی فوج کا 6 مہار بٹالین ہیڈ کوارٹر تباہ کر دیا ہے، جو مقبوضہ کشمیر میں وادی لیپا کے سامنے واقع تھا۔ اس کے ساتھ ہی بھارتی فوج کا 12 انفنٹری بریگیڈ ہیڈکوارٹر بھی نشانہ بنا جس کا تعلق 9 ڈویژن اور 15 کور سے ہے۔

پاکستان نے برنالہ سیکٹر میں بھارتی فوج کا ایک ڈرون بھی مار گرایا ہے، جبکہ حالیہ جوابی کارروائی میں مجموعی طور پر 5 بھارتی طیارے تباہ کیے گئے جن میں ایک مگ-29 اور ایک ایس یو-30 بھی شامل ہیں۔

لائن آف کنٹرول پر پاک فوج کی گولہ باری سے بھارت کو بھاری نقصان پہنچا ہے، پانڈو سیکٹر میں واقع بھارتی چیک پوسٹ “جنگل 1” مکمل طور پر تباہ کر دی گئی جس کے بعد وہاں شدید دھواں اٹھتا دیکھا گیا۔

قابل ذکر بات یہ ہے کہ پاکستانی کارروائیوں کے بعد بھارت کی جانب سے شکست تسلیم کرتے ہوئے لائن آف کنٹرول کے چورا کمپلیکس پر سفید جھنڈا لہرا دیا گیا، جو اس بات کا ثبوت ہے کہ دشمن دباؤ میں آ چکا ہے۔

پاکستانی افواج زمینی و فضائی سطح پر دفاعی قوت کا بھرپور مظاہرہ کر رہی ہیں اور دشمن کی ہر کارروائی کا موثر جواب دیا جا رہا ہے