news
شاہ رخ خان کا میٹ گالا 2025 میں ڈیبیو، لباس نے مداحوں کو مایوس کر دیا
بالی ووڈ کے سپر اسٹار شاہ رخ خان نے میٹ گالا 2025 میں پہلی بار شرکت کر کے دنیا بھر میں موجود اپنے مداحوں کی توجہ حاصل کی، لیکن ان کا ڈیبیو لُک مداحوں کے دل جیتنے میں کامیاب نہیں ہوا۔
جب کنگ خان کے اس بین الاقوامی فیشن ایونٹ میں شرکت کی خبر آئی تو مداحوں نے بے صبری سے ان کے لک کا انتظار شروع کر دیا، خاص طور پر جب مشہور ڈیزائنر سبیاساچی کا نام ان کے ساتھ جڑا۔
شاہ رخ خان نے اس تقریب میں سیاہ رنگ کے لباس میں شرکت کی، جو بظاہر منفرد اور شاہانہ تھا، مگر سوشل میڈیا پر ان کے لُک کے بارے میں ملے جلے ردعمل سامنے آئے۔ کچھ صارفین نے ان کے انداز کی تعریف کی، جبکہ دیگر نے اسے توقعات سے کم پایا۔
سوشل میڈیا پر تنقید کرنے والوں نے تو یہاں تک کہ ان کے لُک کا موازنہ ہالی ووڈ اداکار جانی ڈیپ سے بھی کیا اور کہا کہ یہ انداز جانی ڈیپ کی کاپی لگتا ہے اور زیادہ متاثر کن نہیں ہے۔
یہ بات واضح ہے کہ میٹ گالا 2025 میں بالی ووڈ اسٹار شاہ رخ خان کی موجودگی کو بین الاقوامی سطح پر سراہا گیا، لیکن ان کے فیشن کا انتخاب مداحوں کو متاثر کرنے میں ناکام رہا۔