news
تارا سوتاریا اور ریپر بادشاہ کے ممکنہ تعلقات کی افواہیں زیرِ گردش
سوشل میڈیا پر اداکارہ تارا سوتاریا اور معروف بھارتی ریپر بادشاہ کے درمیان ممکنہ تعلقات کی خبریں تیزی سے گردش کر رہی ہیں۔
ذرائع کے مطابق، تارا سوتاریا ایک بار پھر خبروں میں ہیں، اور اس بار ان کا نام ریپر بادشاہ کے ساتھ جوڑا جا رہا ہے۔ ان قیاس آرائیوں کو اُس وقت تقویت ملی جب ایک رئیلٹی شو کے دوران اداکارہ شلپا شیٹی نے بادشاہ کو تارا سوتاریا کا نام لے کر چھیڑا۔ شلپا کے اس تبصرے پر بادشاہ شرما گئے، جس پر ناظرین نے فوری ردعمل دیا اور سوشل میڈیا پر دونوں کے درمیان ممکنہ رشتے کی چہ مگوئیاں شروع ہو گئیں۔
یاد رہے کہ تارا سوتاریا اس سے قبل اداکار آدر جین کے ساتھ رشتے میں تھیں، تاہم بعد میں دونوں کے درمیان علیحدگی ہو گئی اور آدر جین نے کسی اور سے شادی کر لی۔ اس بریک اپ کے بعد مداح تارا کی ذاتی زندگی میں آنے والی ہر تبدیلی کو نہایت دلچسپی سے دیکھ رہے ہیں۔
ابھی تک نہ تو تارا سوتاریا اور نہ ہی بادشاہ نے اس حوالے سے کوئی باضابطہ بیان دیا ہے، لیکن سوشل میڈیا پر دونوں کی جوڑی کو لے کر چہل پہل ضرور نظر آ رہی ہے۔