news
مارچ 2025 میں ترسیلات زر کا نیا ریکارڈ: 4.1 ارب ڈالر موصول
کراچی:
بیرون ملک مقیم پاکستانیوں نے اس سال مارچ میں ایک نئی تاریخ رقم کرتے ہوئے ریکارڈ مالیت کی ترسیلات وطن بھیجیں۔
اسٹیٹ بینک کے مطابق، کسی ایک ماہ میں 4 ارب ڈالر سے زیادہ کی ترسیلات کا یہ پہلا موقع ہے۔ مارچ میں، بیرون ملک مقیم پاکستانیوں نے 4.1 ارب ڈالر کی ترسیلات بھیجیں، جو کہ ایک شاندار ریکارڈ ہے۔
مارچ 2024 کے مقابلے میں یہ ترسیلات 37.3 فیصد جبکہ فروری 2025 کے مقابلے میں 29.8 فیصد زیادہ ہیں۔
اس مالی سال کے جولائی سے مارچ تک، مجموعی طور پر 28 ارب ڈالر کی ترسیلات موصول ہوئیں، جبکہ پچھلے مالی سال کے اسی عرصے میں یہ رقم 21 ارب ڈالر تھی۔
مارچ 2025 کے دوران، سعودی عرب سے 98 کروڑ 37 لاکھ ڈالر، متحدہ عرب امارات سے 84 کروڑ 21 لاکھ ڈالر، برطانیہ سے 68 کروڑ 39 لاکھ ڈالر، اور امریکا سے 41 کروڑ 95 لاکھ ڈالر موصول ہوئے۔