عارف علوی کی مذاکرات کی حمایت، عمران خان کی رضامندی کا خیرمقدم

پاکستان تحریک انصاف کے عارف علوی نے مذاکرات کی حمایت کا اعلان کر دیا ہے۔ اگر آئندہ انتخابات کے حوالے سے بات چیت ہوتی ہے تو ہم اس کا خیرمقدم کریں گے۔ پی ٹی آئی کے بانی عمران خان نے ملک کی بہتری کے لیے مذاکرات کی ضرورت پر زور دیا ہے۔ امریکہ کے دورے کے دوران سی این این کو دیے گئے ایک انٹرویو میں پی ٹی آئی کے رہنما نے کہا کہ ہم اس بات کا خیرمقدم کریں گے کہ آئندہ انتخابات اور جمہوریت کے قیام کے لیے مذاکرات کیے جائیں۔

ملک میں جاری احتجاج کو طاقت کے ذریعے دبایا جا رہا ہے۔ عارف علوی نے مزید کہا کہ پاکستان میں پرنٹ، الیکٹرانک اور سوشل میڈیا اس وقت آزاد نہیں ہیں، جس کی وجہ سے عوام میں مایوسی بڑھ رہی ہے۔ گفتگو کے دوران عارف علوی نے یہ بھی کہا کہ بلوچستان کے نوجوان اس وقت مایوس ہیں کیونکہ ان کی آواز کو سنا نہیں جا رہا۔

بلوچستان کے مسئلے کا حل بھی مذاکرات میں ہی ہے۔

انہوں نے یہ بھی کہا کہ 8 فروری کے انتخابات میں پی ٹی آئی بلوچستان سے جیتی، مگر ہمارے ووٹ کم گنے گئے۔ اگر ووٹ صحیح طور پر گنے جاتے تو بلوچستان سمیت تمام صوبوں میں ہماری حکومت ہوتی۔ یاد رہے کہ گزشتہ روز پی ٹی آئی کے رہنما اعظم سواتی نے کہا تھا کہ بات چیت کے حوالے سے اس ہفتے یا اگلے ہفتے کوئی نہ کوئی پیشرفت ضرور ہوگی۔ انہوں نے یہ بھی کہا کہ وہ سابق صدر ڈاکٹر عارف علوی کے ملک میں آنے کا انتظار کر رہے تھے۔ اسلام آباد میں ڈسٹرکٹ کمپلیکس کے باہر میڈیا سے گفتگو کرتے ہوئے پی ٹی آئی کے رہنما نے اپنی بات جاری رکھی۔