news
ایپل کی نئی پراڈکٹ لانچ کی تیاری، ٹِم کُک کا اشارہ
ٹیکنالوجی کمپنی ایپل کے چیف ایگزیکٹیو ٹِم کُک نے بتایا ہے کہ کمپنی اس ہفتے نئی مصنوعات متعارف کرانے کی تیاری کر رہی ہے۔
ٹِم کک نے ایک ویڈیو کے ساتھ ایک مبہم ٹویٹ میں اشارہ دیا کہ ’اس ہفتے‘ کچھ خاص ہونے والا ہے۔
یہ توقع کی جا رہی ہے کہ نئی میک بُک ایئر کی اپ ڈیٹ متعارف کرائی جا سکتی ہے۔ اس اپ ڈیٹ میں ایپل کی جدید ترین ایم 4 چِپ کے ساتھ اضافی ریم اور مزید ڈسپلیز کے استعمال کا آپشن شامل ہونے کی امید ہے۔
ٹویٹ میں استعمال کی گئی ٹیگ لائن “something in the air” اس وقت بھی استعمال کی گئی تھی جب ایپل نے پہلی بار 2008 میں میک بُک ایئر متعارف کرایا تھا۔
اس کے علاوہ، یہ بھی ممکن ہے کہ کمپنی کی جانب سے نیا آئی پیڈ ایئر بھی پیش کیا جائے۔
بلومبرگ کے رپورٹر مارک گرمن کا کہنا ہے کہ ایپل اسٹورز میں ٹیبلٹس کی کمی ہے اور کمپنی نے طویل تعارفی سیشنز منعقد کرنے کا منصوبہ بنایا ہے، جس سے یہ سمجھا جا سکتا ہے کہ ’ڈبل ایئر اناؤنس منٹ‘ کی جا سکتی ہے۔
پشاور جانے والی جعفر ایکسپریس پر بولان کے قریب پہاڑی علاقے میں مسافر ٹرین پر حملہ کرنے والے دہشتگردوں کی تصاویر اب منظر عام پر آ گئی ہیں۔ میڈیا رپورٹس کے مطابق، سیکیورٹی ذرائع نے بتایا کہ 12 مارچ کو فائنل کلیئرنس آپریشن کے دوران مارے جانے والے دہشت گرد غیر ملکی اسلحہ سے لیس تھے۔ ان تصاویر میں دیکھا جا سکتا ہے کہ یہ دہشت گرد ٹرین کے ارد گرد ہلاک ہوئے۔
سیکیورٹی ذرائع نے مزید یہ بھی بتایا کہ یہ دہشت گرد بیرون ملک اپنے آلہ کاروں سے رابطے میں تھے اور مسلسل ہدایات حاصل کر رہے تھے۔ سیکیورٹی فورسز نے بلوچستان میں ایک کامیاب ریسکیو آپریشن کے دوران جعفر ایکسپریس کو یرغمال بنانے والے تمام دہشت گردوں کو ہلاک کر دیا۔
اس سے پہلے، پاک فوج کے شعبہ تعلقات عامہ (آئی ایس پی آر) کے ڈی جی، لیفٹیننٹ جنرل احمد شریف چوہدری نے اس واقعے کے بارے میں بتایا کہ دہشت گردوں نے 11 مارچ کو تقریباً ایک بجے بولان کے علاقے اوسی پور میں ریلوے ٹریک کو دھماکے سے اڑا دیا اور جعفر ایکسپریس کو روک دیا۔
بازیابی کا آپریشن فوراً شروع کیا گیا، جس میں آرمی، ایئرفورس، فرنٹئیر کور اور ایس ایس جی کے جوانوں نے حصہ لیا اور یرغمالیوں کو مرحلہ وار رہا کروا لیا۔ ریلوے حکام کے مطابق، اس ٹرین میں 440 افراد سوار تھے۔
وزیراعظم شہباز شریف نے واضح کیا ہے کہ پاکستان کو عدم استحکام میں دھکیلنے کی ہر کوشش کا بھرپور جواب دیا جائے گا، اور خوارج کے ساتھ ان کے سہولت کاروں کو بھی بے رحمی سے ختم کیا جائے گا۔ تفصیلات کے مطابق، وزیر اعظم محمد شہباز شریف، نائب وزیر اعظم اور وزیر خارجہ محمد اسحاق ڈار، وفاقی وزیر منصوبہ بندی احسن اقبال، وزیر اطلاعات و نشریات عطاء اللہ تارڑ، بلوچستان کے گورنر اور وزیر اعلیٰ، چیف آف آرمی سٹاف (COAS) جنرل سید عاصم منیر، NI(M) اور دیگر اعلیٰ سول و عسکری حکام اور سیاسی جماعتوں کے رہنما آج وزیر اعلیٰ ہاؤس کوئٹہ میں ایک اہم سیکیورٹی کانفرنس میں شریک ہوئے۔
بریفنگ کے دوران، شرکاء کو بلوچستان میں سیکیورٹی کی موجودہ صورتحال، دہشت گردی کے خلاف جاری کوششوں، اور جعفر ایکسپریس حملے کے حوالے سے حالیہ آپریشن کی کامیابی کے بارے میں تفصیلی معلومات فراہم کی گئیں۔
شرکاء نے دہشت گردی کے ہر قسم کے خلاف زیرو ٹالرنس کی پالیسی پر پاکستان کے عزم کا اعادہ کیا۔ سیاسی جماعتوں کے رہنما، وفاقی و صوبائی وزراء، سرکاری افسران اور کانفرنس کے دیگر شرکاء نے متفقہ طور پر جعفر ایکسپریس پر ہونے والی دہشت گردی کی بربریت کی مذمت کی اور شہداء کی قربانیوں کو خراج عقیدت پیش کیا۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
انٹرٹینمنٹ8 years agoراحت فتح علی خان کی اہلیہ ان کی پروموشن کے معاملات دیکھیں گی
کھیل8 years agoپاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
انٹرٹینمنٹ8 years agoشعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں