news
آئی ایم ایف کا جوڈیشل کمیشن سے ملاقات معاہدے کا حصہ، بیرسٹر علی ظفر
رہنماء پی ٹی آئی بیرسٹر علی ظفر نے کہا ہے کہ جوڈیشل کمیشن سے ملاقات کرنا آئی ایم ایف معاہدے کی شق 28 میں شامل ہے۔ آئی ایم ایف قانون کی حکمرانی اور جوڈیشل سسٹم کا جائزہ لے گا کہ کیا درست ہے اور کیا غلط؟ انہوں نے جیو نیوز کے پروگرام میں گفتگو کرتے ہوئے کہا کہ آئی ایم ایف معاہدے کی شق 28 میں یہ بات شامل ہے کہ قانون کی حکمرانی اور جوڈیشل سسٹم پر آئی ایم ایف نے شرائط رکھی ہیں، تاکہ وہ یہ دیکھ سکیں کہ کیا درست ہے اور کیا غلط ہے۔ آئی ایم ایف کا وفد جوڈیشل کمیشن سے ملاقات کرے گا کیونکہ یہی وہ آئینی ادارہ ہے جو ججز کی تعیناتی کرتا ہے۔ حکومت نے معاہدے میں آئینی ادارے سے ملاقات کی اجازت دے رکھی ہے، اور ہم آئی ایم ایف وفد کو سچ بتائیں گے کیونکہ سچ میں پاکستان کا کوئی نقصان نہیں ہے، اور چونکہ یہ معاہدے میں شامل ہے، تو ہم بھی ملاقات کریں گے۔
بیرسٹر علی ظفر نے مزید کہا کہ آئین کے آرٹیکل 200 کے تحت تین ہائیکورٹس سے تین ججز کو اسلام آباد ہائیکورٹ منتقل کیا گیا ہے۔ ججز کی تقرریاں ان کی مرضی سے ہوئی ہیں، اس میں ہمارا کوئی عمل دخل نہیں ہے۔ قانون کے مطابق بالکل ٹرانسفر ہو سکتے ہیں۔ مسئلہ یہ ہوا کہ ایک جج کی سنیارٹی اسلام آباد ہائیکورٹ کے ججز سے اوپر آگئی، جبکہ لاہور ہائیکورٹ میں ان کا نمبر 13واں تھا، جس کی وجہ سے اسلام آباد آنے پر وہ سنیارٹی کے لحاظ سے سپریم کورٹ کے قریب ہو گئے۔
پاکستان کی سینئر اداکارہ نادیہ جمیل نے اپنی زندگی کا ایک دلچسپ واقعہ بیان کیا ہے کہ کس طرح عمران خان ان کے لیے تھانے گئے تھے۔
نادیہ نے بتایا کہ شادی سے پہلے وہ اپنے منگیتر (جو اب ان کے شوہر ہیں) کے ساتھ پولیس کے ہاتھوں گرفتار ہوگئیں، اور انہیں چھڑوانے کے لیے عمران خان بھی تھانے پہنچے تھے۔
اداکارہ کے مطابق یہ واقعہ ضیاء الحق کے دور میں پیش آیا، جب اخلاقی پولیس (شاہین پولیس) نکاح کے بغیر ساتھ گھومنے والوں کو پکڑتی تھی۔
نادیہ جمیل نے کہا کہ وہ اپنے منگیتر کے ساتھ گاڑی میں سیر کے لیے نکلی تھیں کہ شاہین پولیس نے انہیں روک لیا۔ پولیس نے انہیں تھانے لے جا کر حوالات میں بند کر دیا، کیونکہ وہ اپنا نکاح نامہ پیش نہیں کرسکے۔ نادیہ نے کہا کہ انہوں نے پولیس سے منت سماجت کی اور جرمانہ ادا کرنے کی پیشکش بھی کی، لیکن پولیس نے انہیں رہا نہیں کیا۔
اداکارہ نے بتایا کہ تھانے میں پہنچنے کے بعد انہیں ایک کال کرنے کی اجازت ملی۔ انہوں نے فوراً اپنے والد کے دوست یوسف صلاح الدین کو فون کیا، جو اس وقت عمران خان اور دیگر دوستوں کے ساتھ بیٹھے ہوئے تھے۔ عمران خان نادیہ جمیل کے والد کے قریبی دوست تھے۔ یوسف صلاح الدین نے فون سنتے ہی عمران خان کو واقعے کے بارے میں بتایا، اور وہ فوراً تھانے پہنچ گئے۔
پاکستان تحریک انصاف کے رہنما اور سابق وزیر خارجہ شاہ محمود قریشی نے کہا ہے کہ ماضی میں کبھی بھی آئی ایم ایف کے وفد نے چیف جسٹس سے بریفنگ نہیں لی۔ انہوں نے مزید کہا کہ آئی ایم ایف کی بریفنگ سے ملک میں قانون کی عملداری کا اندازہ لگایا جا سکتا ہے۔ میڈیا سے گفتگو کرتے ہوئے پی ٹی آئی کے رہنما نے بتایا کہ تمام بڑی جماعتیں ہمارے موقف کی حمایت کر رہی ہیں اور بہت جلد ایک گرینڈ الائنس بننے والا ہے۔ مفتاح اسماعیل، محمود خان اچکزئی اور مولانا فضل الرحمن بھی ہمارے ساتھ ہیں۔ شاہد خاقان عباسی اپنی حکومت سے لاتعلق ہو چکے ہیں اور ہمارے ساتھ کھڑے ہیں۔ انہوں نے کہا کہ حالات بدل چکے ہیں لیکن حکومت ہٹ دھرمی پر اڑی ہوئی ہے۔ تمام رکاوٹوں اور دفعہ 144 کے نفاذ کے باوجود بھی صوابی میں پی ٹی آئی کا جلسہ کامیاب رہا۔
ملتان میں میری بیٹی نے ایک ریلی نکالی جس کے بعد اسے گرفتار کر لیا گیا۔
ملتان میں ہونے والے اس امتیازی سلوک کو لوگ دیکھ رہے ہیں۔ حکومت اوچھے ہتھکنڈے استعمال کر رہی ہے۔ وزیر اطلاعات عطاءاللہ تاڑر کا جلسہ ہوا، جس پر کسی نے پابندی نہیں لگائی۔ ساری پابندیاں صرف تحریک انصاف کے لیے ہیں۔ ایک سوال کے جواب میں پی ٹی آئی کے رہنما نے کہا کہ بانی پی ٹی آئی عمران خان نے اپنے خط میں اپنی رائے اور تجاویز مثبت سوچ کے ساتھ پیش کی ہیں۔ انہوں نے 6 نکات پر بات کی ہے، جسے دنیا بھر میں پذیرائی ملی ہے۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
