news
واٹس ایپ میں بڑی تبدیلی: اب فیس بک اور انسٹاگرام پر بھی شیئر کریں اپنی اسٹوریز
میٹا نے اپنی میسیجنگ ایپلی کیشن واٹس ایپ میں ایک اہم تبدیلی کا اعلان کیا ہے، جس کے تحت صارفین اپنے واٹس ایپ اکاؤنٹ کو اکاؤنٹس سینٹر میں شامل کر سکیں گے۔
اکاؤنٹس سینٹر ایک مرکزی جگہ کی طرح ہے جہاں میٹا کے مختلف اکاؤنٹس، جیسے فیس بک اور انسٹاگرام، کو بھی کنٹرول کیا جا سکتا ہے۔
اکاؤنٹس سینٹر میں واٹس ایپ کا اضافہ صارفین کو یہ سہولت فراہم کرے گا کہ وہ اپنے واٹس ایپ اسٹیٹس کو فیس بک اور انسٹاگرام پر اسٹوریز کے طور پر بھی شیئر کر سکیں۔
اس طرح، صارفین کو اپنے واٹس ایپ اسٹیٹس کو الگ سے فیس بک یا انسٹاگرام ایپ کھول کر پوسٹ کرنے کی ضرورت نہیں پڑے گی۔ اس کے ساتھ ہی سنگل سائن آن فیچر بھی متعارف کرایا جا رہا ہے، جس کے ذریعے صارفین ایک ہی اکاؤنٹ سے میٹا کی مختلف ایپس پر لاگ ان ہو سکیں گے۔
رپورٹس کے مطابق، صارفین کو یہ اختیار دیا جائے گا کہ وہ اپنی مرضی سے اکاؤنٹس سینٹر سے لنک کر سکیں، جبکہ یہ آپشن بائی ڈیفالٹ غیر فعال ہوگا۔
میٹا نے یہ بھی یقین دہانی کرائی ہے کہ واٹس ایپ صارفین کے پیغامات اور کالز کو پہلے کی طرح اینڈ ٹو اینڈ انکرپشن کی حفاظت حاصل رہے گی، اور اکاؤنٹس سینٹر میں شامل ہونے کے باوجود کسی کو ان تک رسائی حاصل نہیں ہوگی۔
یاد رہے کہ میٹا اکاؤنٹس سینٹر 2020 میں اس خیال کے ساتھ متعارف کرایا گیا تھا کہ صارفین کو کمپنی کی مختلف ایپس کے درمیان آسانی سے منتقل ہونے کی سہولت فراہم کی جا سکے۔
حال ہی میں بھارت کے معروف امیر ترین خاندان امبانی کی شادی کی تقریب میں شرکت کرنے والی مشہور امریکی ماڈل کِم کارڈیشن نے یہ بات تسلیم کی ہے کہ وہ امبانی خاندان کو نہیں جانتیں۔
کِم کارڈیشن اور ان کی بہن کلوئی کارڈیشن نے جولائی 2024 میں دیگر بین الاقوامی ستاروں کے ساتھ مل کر امبانی خاندان کی شادی میں شرکت کی۔ ان کے ریئلٹی شو ’دی کارڈیشئنز‘ کی تازہ ترین قسط میں ممبئی کے ان کے 48 گھنٹے کے دورے کی جھلک دکھائی گئی ہے۔
اداکارہ نے اپنے شو کی اس قسط میں یہ اعتراف کیا کہ وہ امبانی خاندان سے واقف نہیں ہیں، لیکن انہوں نے دنیا کے دوسرے کونے تک سفر کرکے ان کے سب سے چھوٹے بیٹے اننت امبانی اور رادھیکا مرچنٹ کی شادی میں شرکت کی۔
پروگرام کے ایک حصے میں کِم نے کہا، “میں واقعی میں امبانی خاندان کو نہیں جانتی۔ لیکن ہمارے کچھ مشترکہ دوست ہیں۔” کِم نے یہ بھی بتایا کہ جوہری لورین شوارٹز، جو امبانی خاندان کے لیے جیولری ڈیزائن کرتی ہیں، نے انہیں بتایا کہ امبانی خاندان کارڈیشئنز کو شادی میں مدعو کرنا چاہتے ہیں۔ لورین نے مجھ سے کہا کہ وہ شادی میں جارہی ہیں اور امبانی خاندان آپ کو مدعو کرنا چاہتے ہیں۔ ہم نے بغیر کسی ہچکچاہٹ کے ’ہاں‘ کہہ دیا۔”
کِم اور کلوئی نے شادی کے دعوت نامے کے بارے میں بھی بات کی، جو تقریباً 18 سے 22 کلو گرام وزنی تھا۔
جنوبی وزیرستان کے لوئر علاقے میں اعظم ورسک بازار کی ایک مسجد میں دھماکہ ہوا ہے، جس کے نتیجے میں جے یو آئی (ف) کے رہنما زخمی ہونے کی خبریں موصول ہوئی ہیں۔ پولیس کے مطابق یہ دھماکہ نماز جمعہ کے دوران مسجد کے اندر ہوا۔ ابتدائی اطلاعات کے مطابق، جمعیت علمائے اسلام کے ضلعی امیر مولانا عبداللہ ندیم بھی اس واقعے میں زخمی ہوئے ہیں۔ جیسے ہی دھماکے کی خبر ملی، پولیس اور امدادی ٹیمیں فوراً جائے وقوع پر پہنچ گئیں اور کارروائی شروع کر دی۔ ریسکیو ذرائع کے مطابق، زخمیوں کو ڈسٹرکٹ ہیڈکوارٹر ہسپتال وانا منتقل کیا جا رہا ہے۔
پولیس نے بتایا کہ یہ دھماکہ مولانا عبدالعزیز مسجد کے خطیب اور جمعیت علماء اسلام وانا کے امیر مولانا عبداللہ ندیم پر ہوا، جس میں ان کے علاوہ بھی کئی افراد زخمی ہوئے ہیں، اور ہلاکتوں کا خدشہ بھی ظاہر کیا جا رہا ہے۔
پولیس ذرائع کے مطابق، دھماکہ ورسک بازار کی مسجد میں ہوا۔ ریسکیو ٹیمیں زخمیوں کو ہسپتال منتقل کر رہی ہیں جبکہ سکیورٹی فورسز نے علاقے کو گھیرے میں لے لیا ہے۔ ڈی پی او آصف بہادر نے بیان میں تصدیق کی ہے کہ دھماکہ خیز مواد مسجد میں نصب تھا، جس کے نتیجے میں جے یو آئی کے مرکزی امیر عبداللہ ندیم زخمی ہوئے۔ دھماکے میں تین افراد کے زخمی ہونے کی اطلاعات ہیں، اور دھماکے کی آواز دور دور تک سنی گئی، جس سے کئی افراد متاثر ہوئے۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
انٹرٹینمنٹ8 years agoراحت فتح علی خان کی اہلیہ ان کی پروموشن کے معاملات دیکھیں گی
کھیل8 years agoپاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
انٹرٹینمنٹ8 years agoشعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں