پاکستان شوبز کی معروف اداکارہ ہانیہ عامر، جو کہ سپر ہٹ ڈرامے ’کبھی میں کبھی تم‘ سے دنیا بھر میں مشہور ہوئی ہیں، کو حالیہ فوٹو شوٹ پر سخت تنقید کا سامنا کرنا پڑ رہا ہے۔

اداکارہ نے اپنی سالگرہ کے موقع پر ایک بولڈ فوٹوشوٹ کروایا ہے، جس میں وہ پانی میں مرمیڈ کی طرح ادائیں دیتی نظر آ رہی ہیں۔ ہانیہ نے پہلی بار انسٹاگرام پر اپنے جرات مندانہ انداز کو پیش کیا، لیکن مداحوں کو یہ بالکل پسند نہیں آیا اور انہوں نے اداکارہ کو کڑی تنقید کا نشانہ بنایا۔

بہت سے لوگوں نے اس فوٹوشوٹ کو اخلاقیات کے خلاف قرار دیتے ہوئے تبصرے کیے اور کہا کہ ہانیہ کو یہ پوسٹ انسٹاگرام سے ہٹا دینی چاہیے۔

تصاویر میں ہانیہ عامر کو سوئمنگ پول میں چمکدار پلاسٹک جیسا لباس پہنے ہوئے دیکھا جا سکتا ہے، جس سے ان کا پورا جسم نمایاں ہو رہا ہے۔

کچھ سوشل میڈیا صارفین نے یہ بھی کہا کہ یہ بولڈ انداز دراصل اداکارہ کی جانب سے بالی ووڈ میں ڈیبیو کے لیے سستی پبلسٹی حاصل کرنے کا ایک حربہ ہے۔

2016 کی مشہور بالی ووڈ رومانوی ڈرامہ فلم ’صنم تیری قسم‘ کی دوبارہ ریلیز نے ایک بار پھر اس کی مقبولیت میں اضافہ کر دیا ہے۔ اس کے بعد، فلم کے میکرز نے اس کے سیکوئل کا اعلان کیا ہے۔

فلم کے مرکزی اداکار ہارش وردھن رانے اور ماورا حسین کی جوڑی نے شائقین کی توجہ دوبارہ حاصل کر لی ہے، اور اب مداح بے صبری سے ’صنم تیری قسم 2‘ کے بارے میں کسی بھی خبر کا انتظار کر رہے ہیں۔

حالیہ انٹرویو میں، فلم کے ہدایتکاروں رادھیکا راؤ اور ونے سپرو نے بتایا کہ سیکوئل کی کہانی پہلے حصے کی تحریر کے دوران ہی دو حصوں میں تقسیم کی گئی تھی۔ انہوں نے یہ بھی کہا کہ دوسرے حصے کی کہانی پہلے سے مکمل ہے اور فلم کی ریلیز کے لیے ویلنٹائن ڈے 2026 کو ہدف بنایا گیا ہے۔

فلم کے پہلے حصے کے آخری منظر، جہاں اندر درخت کے قریب پہنچتا ہے اور سارو (ماورا حسین) کی آواز گونجتی ہے، کے بارے میں ہدایتکاروں نے وضاحت کی کہ یہ منظر خاص طور پر سیکوئل کے لیے پس منظر تیار کرنے کے لیے رکھا گیا تھا۔

ہدایتکاروں نے مزید بتایا کہ فلم کے زیادہ تر گانے تیار ہو چکے ہیں اور مداحوں کے شاندار ردعمل کے پیش نظر، وہ ’صنم تیری قسم 2‘ کو جلد ہی باضابطہ طور پر لانچ کرنے کا ارادہ رکھتے ہیں۔