بالی ووڈ کے معروف اداکار سنی دیول نے اپنی فلم ’غدر 2‘ کی شاندار کامیابی کے بعد اپنی فیس میں نمایاں اضافہ کیا ہے، اور اب یہ سوال اٹھ رہا ہے کہ انہوں نے اپنی نئی فلم ’جات‘ کے لیے کتنا معاوضہ لیا ہے۔

میڈیا کی رپورٹ کے مطابق، سنی دیول نے کئی سالوں تک نسبتاً کم معاوضہ لیا، لیکن اب جب کہ وہ باکس آفس پر زبردست واپسی کر چکے ہیں، وہ اپنی ڈیمانڈ کے مطابق معاوضہ حاصل کر رہے ہیں۔

اداکار کے قریبی ذرائع نے بتایا کہ سنی دیول نے طویل عرصے تک کم فیس پر کام کیا، مگر اب ’غدر 2‘ کی کامیابی کے بعد انہوں نے اپنی فیس بڑھا لی ہے، جو کہ ان کا حق ہے۔

ذرائع کے مطابق، یہ نئی فیس ان کی پرانی فیس سے چھ گنا زیادہ ہے، لیکن جب تک سنی دیول باکس آفس پر کامیاب ہیں، تو یہ سب کچھ جائز ہے۔

سنی دیول نے فلم ’غدر 2‘ کے لیے 8 کروڑ روپے وصول کیے تھے، جبکہ اب یہ کہا جا رہا ہے کہ انہوں نے نئی ریلیز ہونے والی فلم ’جات‘ کے لیے 50 کروڑ روپے کا معاوضہ لیا ہے۔

فلم ’جات‘ کی ہدایت کاری گوپی چند مالینینی کر رہے ہیں، اور اس میں سنی دیول کے علاوہ رندیپ ہوڈا، وینیت کمار سنگھ، ریجینا کیسندرا، رامیا کرشنن اور سایامی خیر جیسے مشہور فنکار شامل ہیں۔

بالی ووڈ کی معروف اداکارہ تمنا بھاٹیہ کی ایک نئی ویڈیو سوشل میڈیا پر دھوم مچا رہی ہے، جس میں وہ اجے دیوگن کی آنے والی فلم ’ریڈ 2‘ کے ایک گانے کی شوٹنگ کرتی نظر آ رہی ہیں۔

9 اپریل 2025 کو جاری ہونے والی اس ویڈیو نے مداحوں میں فلم کے لیے جوش و خروش کی لہر دوڑا دی ہے، کیونکہ لوگ اداکارہ کے آئٹم نمبر کو بے حد پسند کر رہے ہیں۔

ویڈیو میں تمنا کو ڈانسرز کے ساتھ رقص کرتے ہوئے دکھایا گیا ہے، جو کہ سیٹ پر فلمایا گیا ہے۔ اداکارہ نے اس گانے میں سفید اور سنہرے رنگ کا لباس زیب تن کیا ہوا ہے۔ تمنا کو ان کے پچھلے آئٹم سانگ ’آج کی رات‘ کی بدولت خاصی شہرت ملی ہے، جس کے بعد مداح ان کے نئے گانے کا بے چینی سے انتظار کر رہے ہیں۔

یہ بات یاد رہے کہ اجے دیوگن کی فلم ’ریڈ 2‘ ایک حقیقی واقعے سے متاثر ہو کر بنائی گئی ہے اور یہ اجے دیوگن کی ہٹ فلم ’ریڈ‘ کا سیکوئل ہے۔ تمنا بھاٹیہ، جو حال ہی میں فلم ’استری 2‘ کے مقبول گانے ’آج کی رات‘ سے کامیابی حاصل کر چکی ہیں، اب ایک نئے ڈانس نمبر کے ذریعے دوبارہ سرخیوں میں آ گئی ہیں۔

اس گانے کے بول اور گانے والے کے بارے میں ابھی تک کوئی معلومات سامنے نہیں آئی ہیں۔

یہ بھی یاد رہے کہ تمنا بھاٹیہ اپنی نئی فلم ’اوڈیلا 2‘ کے حوالے سے بھی خبروں میں ہیں، جس کا ٹریلر حال ہی میں ریلیز ہوا ہے۔