news
شاہد خاقان عباسی کا قومی حکومت اور ملکی مسائل پر بڑا بیان
سابق وزیرِاعظم شاہد خاقان عباسی نے کہا ہے کہ ملک کے موجودہ مسائل کے حل کیلئے قومی حکومت بنائی جائے جو آئندہ 4 سالوں کیلئے ایجنڈے پر عمل کرے۔ انہوں نے کہا کہ تمام اسٹیک ہولڈرز، بشمول فوج، ججز اور سیاستدان، آئین کے دائرے میں رہ کر مل بیٹھیں اور ملکی مفاد کیلئے ایجنڈا طے کریں۔
اے آر وائی نیوز کے پروگرام میں گفتگو کرتے ہوئے شاہد خاقان عباسی نے کہا کہ موجودہ نظام اتنا کرپٹ ہوچکا ہے کہ کوئی بھی حکومت اسے نہیں چلا سکتی۔ مری میں ہونے والی توڑ پھوڑ اور عمارتیں گرانے کے حوالے سے بات کرتے ہوئے انہوں نے کہا کہ حکومت کو عوام سے بات کرنی چاہئے تھی، کیونکہ جنہوں نے رشوت دی ان کی عمارتیں نہیں گرائی گئیں، اور جنہوں نے نہیں دی ان کی عمارتیں گرادی گئیں۔
انہوں نے مزید کہا کہ نقشے جمع کرائے گئے لیکن انہیں منظور نہیں کیا گیا، حالانکہ قانون کے مطابق اگر نقشہ 60 دنوں میں منظور نہ ہو تو خودبخود منظور ہوجاتا ہے۔ شاہد خاقان عباسی نے کہا کہ ملک میں جنگل کا قانون چل رہا ہے، اسلام آباد کی سڑکوں پر گولیاں چلائی جا رہی ہیں، اور پرامن احتجاج کرنے والوں پر دہشتگردی کی دفعات لگائی جا رہی ہیں۔
ن لیگ پر بات کرتے ہوئے انہوں نے کہا کہ 2021 میں ووٹ کو عزت دو کے بیانیے پر ن لیگ عروج پر تھی اور اگر اس وقت الیکشن ہوتے تو ن لیگ 150 سیٹیں آرام سے جیت جاتی، مگر آج جو کچھ ملک میں ہو رہا ہے اس کی ذمہ داری ن لیگ پر عائد ہوتی ہے۔ انہوں نے میاں نواز شریف کو مشورہ دیا کہ موجودہ سیاسی حالات میں اہم کردار ادا کریں کیونکہ عوام نواز شریف کو جانتے ہیں، شہباز شریف اور مریم نواز کو نہیں۔
انہوں نے مزید کہا کہ ملک میں کوئی قانون نہیں بچا، اور حکومت کمزور اور ڈری ہوئی ہے۔ احتجاج کرنے والوں پر دہشتگردی کی دفعات لگا کر انہیں دبایا جا رہا ہے، جو سیاسی دہشتگردی کے مترادف ہے۔
قاہرہ میں ڈی-8 سربراہی اجلاس کے موقع پر وزیراعظم شہباز شریف نے انڈونیشیا کے صدر پرابوو سوبیانتو سے ملاقات کی۔ وزیراعظم نے صدر کو عہدہ سنبھالنے پر مبارکباد دیتے ہوئے دوطرفہ تعلقات، تجارتی اور اقتصادی تعاون، اور کثیرالجہتی فورمز پر اشتراک کے امور پر تبادلہ خیال کیا۔
وزیراعظم نے انڈونیشیا کو پاکستان کا قابل بھروسہ تجارتی شراکت دار قرار دیا اور پام آئل کی فراہمی میں انڈونیشیا کے کردار کو سراہا، جو پاکستان کی خوردنی تیل کی ضروریات پوری کرنے میں اہم ہے۔ ملاقات میں وزیراعظم نے پاکستان کی آسیان میں سیکٹورل پارٹنر کا درجہ حاصل کرنے اور آسیان علاقائی فورم کی رکنیت کے لیے انڈونیشیا کی حمایت کا شکریہ ادا کیا۔
دونوں رہنماؤں نے اقتصادی اور تجارتی تعلقات کو مزید مضبوط کرنے کی ضرورت پر زور دیتے ہوئے قریبی رابطے میں رہنے اور تعاون کو فروغ دینے پر اتفاق کیا۔ وزیراعظم شہباز شریف نے انڈونیشیا کے صدر کو دورہ پاکستان کی دعوت بھی دی، جو انہوں نے قبول کر لی۔
یاد رہے کہ وزیراعظم شہباز شریف تین روزہ سرکاری دورے پر مصر روانہ ہوئے تھے، جہاں وہ ڈی-8 ممالک کے 11ویں سربراہی اجلاس میں شرکت کر رہے ہیں۔ اجلاس میں وزیراعظم ترقی پذیر ممالک کے درمیان روزگار کی فراہمی، زراعت، غذائی تحفظ، سیاحت اور مقامی کاروبار کے فروغ پر زور دیں گے۔ وزیراعظم پاکستان کی نوجوان نسل کو بااختیار بنانے اور معاشی ترقی کے حکومتی اقدامات پر بھی روشنی ڈالیں گے
پاکستان نے نیشنل ڈویلپمنٹ کمپلیکس اور تین تجارتی اداروں پر امریکی پابندیوں کو سختی سے مسترد کرتے ہوئے اسے متعصبانہ اور خطے کے اسٹریٹجک استحکام کے لیے خطرہ قرار دیا ہے۔ ترجمان دفتر خارجہ ممتاز زہرا بلوچ نے کہا کہ یہ پابندیاں بغیر کسی ٹھوس ثبوت کے عائد کی گئیں جو خطے میں فوجی عدم توازن پیدا کرنے کی کوشش ہے۔
ترجمان نے مزید کہا کہ پاکستان کی اسٹریٹجک صلاحیتوں کا مقصد خودمختاری کا تحفظ اور جنوبی ایشیا میں امن و استحکام کو یقینی بنانا ہے۔ پاکستان کا میزائل پروگرام طاقت کے توازن کو برقرار رکھنے کے لیے ہے اور اس پر پاکستانی عوام کی مقدس امانت کے طور پر کوئی سمجھوتہ نہیں کیا جا سکتا۔
دفتر خارجہ نے کہا کہ ماضی میں بھی پاکستان کے تجارتی اداروں پر پابندیاں بغیر ثبوت کے لگائی گئیں، جو افسوسناک ہیں۔ امریکی اقدام خطے اور عالمی امن کے لیے خطرناک مضمرات رکھتا ہے۔
ترجمان نے کہا کہ امریکہ کا دوہرا معیار اور دوسرے ممالک کو جدید فوجی ٹیکنالوجی فراہم کرنا امن و سلامتی کے اصولوں سے انحراف ہے۔ پاکستان خطے میں امن و استحکام کے لیے اپنی کوششیں جاری رکھے گا اور اپنی اسٹریٹجک صلاحیتوں کا تحفظ کرے گا۔
سیاست7 years agoنواز شریف منتخب ہوکر دگنی خدمت کریں گے، شہباز کا بلاول کو جواب
انٹرٹینمنٹ7 years agoراحت فتح علی خان کی اہلیہ ان کی پروموشن کے معاملات دیکھیں گی
کھیل7 years agoپاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
انٹرٹینمنٹ7 years agoشعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں