اقوام متحدہ کی ایک حالیہ تحقیق کے مطابق دنیا کی تقریبا 73 کروڑ خواتین اپنے شوہروں یا دیگر افراد کے ہاتھوں جسمانی ذہنی یا جنسی تشدد کا شکار ہو ئی ہیں
اس حوالے سے 15 سال سے زیادہ عمر کی خواتین اور لڑکیوں کا حصہ 30 فیصد ہے
یہ اعداد و شمار اقوام متحدہ کے ادارہ یو این ویمن کی طرف سے جاری کردہ ہیں جو کہ دنیا کہ تقریبا 161 ممالک سے حاصل کیے گئے ہیں
اس تحقیق کی روشنی میں 2022 کے دوران تقریبا 48 ہزار800 لڑکیاں یا خواتین اپنے شوہروں ساتھی افراد یا خاندان کے کسی اور فرد کے ہاتھوں قتل ہوئیں بانسبت قتل ہونے والے مردوں کے مقابلے میں جو کہ صرف 12 فیصد ہی اپنے کسی قریبی رشتہ دار کے ذریعے قتل ہوئے یو این او کی طرف سے اس عمل کو “خاتون کشی” کا نام دیا گیا ہے
خواتین پر روا رکھا جانے والا یہ تشدد پاکستان اور پدر شاہی سوچ اور نظام کی مضبوطی کا ایک منطقی نتیجہ ہے
تحقیق یہ ثابت کرتی ہے کہ دنیا بھر میں خواتین پر ہونے والے تشدد میں اجنبی افراد کی بجائے ان کی اپنے شوہر یا ساتھی مرد ہی ملوث ہیں
یو این وومن کا کہنا ہے کہ جنس کے علاوہ دیگر وجوہات کی بنا پر کیے جانے والا تعصب براہ راست خواتین پر ہونے والے تشدد کا باعث بنتا ہے
اس تعصب میں رنگ نسل مذہب ذات پرستی وغیرہ شامل ہیں اور اس طرح خواتین پر ہونے والے تشدد میں مزید اضافہ ہوتا چلا جاتا ہے
یو این کی اس رپورٹ کے مطابق انیس سال کی عمر تک پہنچنے تک دنیا میں ہر چار میں سے ایک لڑکی جنسی جسمانی یا ذہنی تشدد کا شکار ہو چکی ہوتی ہے نیز ایسی خواتین جو کسی جسمانی یا ذہنی بیماری میں مبتلا ہوں صحت مند خواتین کے مقابلے میں زیادہ تشدد کا نشانہ بنتی ہیں جنوری 2023 میں شائع ایک میڈیکل رپورٹ نے اس بات کی باقاعدہ تصدیق کی ہے
یورپی یونین کی طرف سے کی جانے والی ایک ریسرچ اس بات کو بھی ثابت کرتی ہے کہ کسی معذوری میں مبتلا یا کم آمدن کا شکار خواتین میں استحصال کے خطرات زیادہ ہوتے ہیں
تعصب کے علاوہ دنیا میں درپیش بڑے بحران جیسے موسمیاتی تبدیلیاں صحت کے بحران اور انسانی حقوق کی پامالی وغیرہ بھی جنس کی بنیاد پر ہونے والے افراد تشدد میں اضافے کا باعث بنتے ہیں
ایک محتاط اندازے کے مطابق موسمیاتی تبدیلیوں سے ہونے والی نقل مکانی میں 80 فیصد حصہ خواتین کا ہوتا ہے اور دیگر ایسی ہی تباہیوں کے نتیجے میں تشدد کے واقعات رونما ہوتے ہیں
2005 میں آنے والے سمندری طوفان کترینہ کے نتیجے میں جنسی زیادتیوں میں چھ گنا اضافہ دیکھا گیا نیوزی لینڈ کے علاقے کینٹر گری میں زلزلے کے بعد گھریلو تشدد میں ہونے والا اضافہ 53 فیصد تھا ایتھوپیا میں قحط سالی کے باعث لڑکیوں کو مویشیوں کے عوض بیچنے کا عمل بھی اختیار کیا گیا اسی طرح وہ ممالک جہاں انسانی حقوق کا مسئلہ پیدا ہو جاتا ہے وہاں جنسی تشدد دوگنا دیکھنے میں آیا ہے
جولائی 2024 میں افغانستان میں ہونے والے سروے سے یہ بات سامنے آئی ہے کہ دو فیصد مردوں کے مقابلے میں 64 فیصد خواتین اکیلے گھر سے باہر جاتے ہوئے گھبراتی اور خود کو غیر محفوظ سمجھتی ہیں نیز جنگ زدہ علاقوں میں کم عمر کی شادی میں بھی چار فیصد اضافہ دیکھا گیا ہے اسی طرح جنسی استحصال میں سمگلنگ کا شکار ہونے والوں میں 90 فیصد تعداد خواتین کی ہے