سپریم کورٹ کی جج جسٹس مسرت ہلالی نے اٹارنی جنرل سے بات چیت کرتے ہوئے کہا کہ میڈیا کی رپورٹس کے مطابق سپریم کورٹ میں فوجی عدالتوں میں شہریوں کے ٹرائل کو کالعدم قرار دینے کے خلاف کیس کی سماعت جاری ہے۔ اس کیس کی سماعت جسٹس امین الدین کی سربراہی میں 7 رکنی آئینی بینچ کر رہا ہے، جس میں جسٹس حسن اظہر، جسٹس نعیم اختر، اور جسٹس شاہد بلال شامل ہیں۔ اس کے علاوہ، جسٹس جمال مندوخیل، جسٹس مسرت ہلالی، اور جسٹس محمد علی بھی اس بینچ کا حصہ ہیں۔

آج کی سماعت کے دوران اٹارنی جنرل منصور اعوان عدالت میں پیش ہوئے اور کہا کہ “ایڈیشنل اٹارنی جنرل نے مجھے بتایا کہ عدالت نے مجھے طلب کیا تھا۔ جب کورٹ مارشل ٹرائل ہوتا ہے تو اس کا پورا طریقہ کار ہوتا ہے، ملٹری ٹرائل کا مکمل ریکارڈ عدالت کے پاس ہے۔ اگر کسی کو سزائے موت دی جاتی ہے تو اس پر عمل اس وقت تک نہیں ہوتا جب تک اپیل کا فیصلہ نہ ہو جائے۔”

جسٹس جمال خان مندوخیل نے ریمارکس دیئے کہ “آئین میں بنیادی حقوق موجود ہیں اور ہمارے سامنے اس وقت یہی مسئلہ ہے۔ ہم اپیل کی بات اس لیے کر رہے ہیں کیونکہ یہ بنیادی حق ہے۔” اس پر اٹارنی جنرل نے جواب دیا کہ “خواجہ حارث جب اپنے دلائل مکمل کریں گے تو میں مزید بات کروں گا۔ کلبھوشن کیس میں ایک اور مسئلہ تھا، سیکشن تین میں فئیر ٹرائل اور وکیل کا حق ہے، جب یہ معاملہ فل کورٹ میں آیا تھا تو وہ بھی 18ویں ترمیم کے بعد آیا۔”

لاہور: پاکستان تحریک انصاف (پی ٹی آئی) کے سینئر رہنماء شاہ محمود قریشی نے کہا ہے کہ پارٹی کی باہر موجود قیادت جو نہ کر سکی، وہ میں نے جیل میں بیٹھ کر کر دکھایا ہے۔ لاہور کی انسدادِ دہشت گردی عدالت میں میڈیا سے غیر رسمی گفتگو کرتے ہوئے شاہ محمود قریشی نے کہا کہ میں نے 2013ء اور 2018ء میں عمر کوٹ میں پی ٹی آئی کو متعارف کرایا، پی ٹی آئی کا جھنڈا اور انتخابی نشان “بلا” میں خود عمر کوٹ سندھ لے کر گیا۔

انہوں نے کہا کہ 14 اور 15 اپریل کو عمر کوٹ میں پانی کے مسئلے پر احتجاج ہو رہا ہے اور میں جیل میں بیٹھ کر اس احتجاج کی قیادت کر رہا ہوں۔ انہوں نے کہا کہ جی ڈی اے اور جے یو آئی کی قیادت کا شکر گزار ہوں، پانی کے مسئلے پر سندھ کی اپوزیشن جماعتیں اکٹھی ہو چکی ہیں۔

شاہ محمود قریشی نے پیپلز پارٹی کو آڑے ہاتھوں لیتے ہوئے کہا کہ پیپلز پارٹی سندھ میں پانی کے مسئلے پر مگر مچھ کے آنسو بہا رہی ہے۔ انہوں نے الزام عائد کیا کہ منصوبہ منظور ہونے کے وقت اس میں چھ نہریں شامل تھیں، پیپلز پارٹی کو تب بھی سب معلوم تھا لیکن تب کوئی آواز نہیں اٹھی، جب ارسا نے پانی کی دستیابی کا سرٹیفیکیٹ جاری کیا تو تب بھی پیپلز پارٹی خاموش تھی، اب جب سندھ میں عوامی احتجاج شروع ہوا تو انہوں نے بھی رونا دھونا شروع کر دیا۔

انہوں نے مزید کہا کہ نہروں کی تعمیر کے منصوبے پر چھ اضلاع میں کافی عرصے سے کام جاری تھا اور زمین بھی حاصل کی جا رہی تھی، تب کسی کو اعتراض نہیں تھا۔

شاہ محمود قریشی نے پیپلز پارٹی کی قیادت پر تنقید کرتے ہوئے کہا کہ بلاول بھٹو دبئی میں کیا کر رہا ہے جب کہ سندھ میں عوام سراپا احتجاج ہے۔ انہوں نے کہا کہ سندھ کی عوام پیپلز پارٹی کی حقیقت جان چکی ہے، زرداری خاندان “بھٹو” بن کر عوام کو دھوکہ دے رہا ہے، بھٹو کا وارث صرف بھٹو ہو سکتا ہے، زرداری نہیں۔

انہوں نے کہا کہ صرف نام رکھنے سے کوئی بھٹو کا وارث نہیں بن سکتا، بلاول درحقیقت “حاکم زرداری” کا وارث ہے نہ کہ ذوالفقار علی بھٹو کا۔ اب “زر” اور “زرداری” کی سیاست مزید نہیں چلے گی۔ آخر میں انہوں نے سندھ کی عوام سے اپیل کی کہ وہ عمر کوٹ کے احتجاج میں بھرپور شرکت کریں۔