پاکستان کے تیل و گیس کے شعبے سے اہم پیشرفت سامنے آئی ہے۔ پاکستان ترکیہ تیل و گیس معاہدہ طے پا گیا ہے جس کے تحت ترکیہ کی نیشنل آئل کمپنی نے پاکستان کے انرجی سیکٹر میں باضابطہ انٹری دے دی ہے۔

پاکستان اور ترکیہ کی سرکاری کمپنیوں کے درمیان فارم آؤٹ ایگریمنٹ پر دستخط ہو گئے ہیں۔ یہ معاہدہ پاکستان پیٹرولیم لمیٹڈ (PPL) اور ترکش پیٹرولیم اوورسیز کمپنی کے درمیان طے پایا ہے۔

پاکستان پیٹرولیم لمیٹڈ نے اپنے شیئر ہولڈرز کو بھی خط ارسال کرتے ہوئے اس اہم پیشرفت سے آگاہ کیا۔ خط میں بتایا گیا کہ پی پی ایل نے ترکش پیٹرولیم کو آف شور ایسٹ انڈس سی بلاک کی آپریٹرشپ فروخت کر دی ہے۔ معاہدے کے تحت ترکیہ کو انڈس سی بلاک میں 25 فیصد حصہ دیا گیا ہے۔

ذرائع کے مطابق، اس پاک ترکیہ انرجی معاہدے کے لیے دونوں حکومتوں نے بھرپور تعاون کیا۔ اس اقدام سے پاکستان کے توانائی کے شعبے میں بیرونی سرمایہ کاری میں نمایاں اضافہ متوقع ہے۔

مزید یہ کہ انڈس سی بلاک میں ماری انرجیز اور او جی ڈی سی ایل (OGDCL) ک 20، 20 فیصد حصص ہیں۔ ماہرین کے مطابق یہ معاہدہ پاکستان کے توانائی وسائل کی ترقی میں نیا باب ثابت ہو گا۔

پاکستان اور امریکا معاہدہ دونوں ممالک کے درمیان تجارتی تعلقات میں نیا باب کھول رہا ہے۔
تفصیلات کے مطابق وزیر خزانہ سینیٹر محمد اورنگزیب نے ٹیرف معاہدے پر کامیاب مذاکرات کے بعد اطمینان کا اظہار کیا ہے۔
وہ اس وقت آئی ایم ایف اور ورلڈ بینک کے سالانہ اجلاسوں میں شرکت کے لیے واشنگٹن میں موجود ہیں، جہاں اُن کی امریکی محکمہ خزانہ کے اعلیٰ حکام سے اہم ملاقات ہوئی۔

وزارت خزانہ کے مطابق وزیر خزانہ نے امریکی حکام کو پاکستان کی معیشت کے مضبوط اشاریوں پر بریفنگ دی۔
انہوں نے امریکی کمپنیوں کو تیل و گیس، معدنیات، زراعت اور آئی ٹی کے شعبوں میں سرمایہ کاری کی دعوت دی۔
اس موقع پر دونوں ممالک نے دوطرفہ تعلقات کو مزید فروغ دینے پر اتفاق کیا۔

وزیر خزانہ نے یو ایس پاکستان بزنس کونسل کے رہنماؤں اور ارکان سے ملاقات میں کہا کہ پاکستان نجی شعبے کے تعاون سے معیشت کو مضبوط بنا رہا ہے۔
انہوں نے کہا کہ پاکستان میں سرمایہ کاری کے وسیع مواقع موجود ہیں اور حکومت سرمایہ کاروں کو سہولتیں فراہم کر رہی ہے۔

اعلامیے کے مطابق، امریکا کے ساتھ یہ معاہدہ پاکستان کے لیے ایک اہم سنگ میل ہے جو مستقبل میں تجارتی تعلقات کو مستحکم کرے گا۔
مزید برآں، دونوں ممالک نے ریکوڈک منصوبے کے مالیاتی معاملات جلد طے کرنے پر بھی اتفاق کیا۔

علاوہ ازیں، وزیر خزانہ کی آئی ایف سی کے نائب صدر ریکارڈو پولیتی سے ملاقات میں اسلام آباد میں آئی ایف سی کے علاقائی دفتر کے قیام کا خیرمقدم کیا گیا۔
انہوں نے کہا کہ یہ اقدام پاکستان میں بین الاقوامی سرمایہ کاری کو فروغ دے گا۔