ٹیکنالوجی
چوہے زہریلی گیس میں کیسے زندہ رہتے ہیں؟ حیرت انگیز حیاتیاتی راز
چوہے ایک حیرت انگیز جاندار ہیں۔ وہ بعض اوقات زہریلی یا خطرناک گیسوں والے ماحول میں بھی زندہ رہ جاتے ہیں۔ سوال یہ ہے کہ ایسا کیسے ممکن ہوتا ہے؟
دراصل، ان کے جسم میں ایسے حیاتیاتی نظام موجود ہیں جو انہیں نقصان سے بچاتے ہیں۔ جب فضا میں زہریلی بو آتی ہے یا چکر آنے لگتا ہے تو چوہے فوراً حرکت میں آ جاتے ہیں۔ وہ ایک جگہ بیٹھے نہیں رہتے بلکہ تیزی سے محفوظ جگہوں کی طرف بھاگ جاتے ہیں۔
مزید یہ کہ وہ ماحول کے مختلف حصوں کا جائزہ لے کر کم خطرناک حصے میں منتقل ہو جاتے ہیں۔ کبھی وہ نچلے حصے میں چھپ جاتے ہیں اور کبھی اونچائی پر چلے جاتے ہیں۔
ان کے جسم کا میٹابولزم بھی اس عمل میں مدد دیتا ہے۔ جب آکسیجن کم ہوتی ہے تو ان کا جسم توانائی کے متبادل ذرائع استعمال کرتا ہے۔ اس کے علاوہ، وہ سانس کی رفتار کم کر کے جسم میں آکسیجن کی بچت کرتے ہیں۔
چوہوں کا جگر زہریلے مادوں کو ختم کرنے میں اہم کردار ادا کرتا ہے۔ ان کے اندر ایسے انزائمز ہوتے ہیں جو خطرناک کیمیکلز کو کم نقصان دہ مرکبات میں بدل دیتے ہیں۔ مزید یہ کہ ناک اور پھیپھڑوں کے خلیے بعض گیسوں کو فلٹر کر لیتے ہیں۔
آخر میں، ان کی جلد اور سانس کے خلیے خود کو تیزی سے مرمت کرنے کی صلاحیت رکھتے ہیں۔ یہی وجہ ہے کہ چوہے زہریلے ماحول میں بھی زندہ رہنے کے قابل ہوتے ہیں، جہاں دوسرے جاندار سانس بھی نہیں لے پاتے۔
کیلیفورنیا:
گوگل میپس میں جیمنائی اے آئی اسسٹنٹ کی شمولیت نے صارفین کے نیویگیشن کے تجربے کو مکمل طور پر بدل دیا ہے۔ گوگل نے اعلان کیا ہے کہ اب میپس میں جیمنائی مصنوعی ذہانت (AI) ٹیکنالوجی شامل کی جا رہی ہے جو صارف کی گفتگو، منزل اور عادتوں کو سمجھ کر بہتر تجاویز فراہم کرے گی۔
گوگل کی جانب سے جاری کردہ اپڈیٹ کے مطابق، گوگل میپس میں جیمنائی اے آئی اسسٹنٹ صارفین کی رہنمائی صرف راستوں تک محدود نہیں رکھے گا بلکہ سفر کے دوران موسم، ٹریفک، قریبی مقامات اور پارکنگ کی صورتحال بھی بتائے گا۔ اس کے علاوہ، صارف وائس کمانڈ کے ذریعے جیمنائی سے سوالات کر کے فوری جوابات حاصل کر سکیں گے۔
جب صارف مائیکرو فون آئیکون پر کلک کرتا ہے تو اب پرانا گوگل اسسٹنٹ نہیں بلکہ جیمنائی اے آئی اسسٹنٹ ایکٹیویٹ ہوتا ہے، جو اپنی مخصوص اسپارک اینیمیشن کے ذریعے ظاہر ہوتا ہے۔
یہ فیچر فی الحال محدود صارفین کے لیے دستیاب ہے لیکن جلد ہی دنیا بھر میں متعارف کرایا جائے گا۔ ماہرین کے مطابق، یہ اپڈیٹ گوگل کے پورے ایکو سسٹم کو ایک مربوط AI تجربہ فراہم کرے گا۔
نیشنل کمپیوٹر ایمرجنسی ریسپانس ٹیم (نیشنل سرٹ) نے ایس اے پی نیٹ ویور سیکیورٹی خامیاں سامنے آنے کے بعد ایک ہائی الرٹ جاری کر دیا ہے۔
ایس اے پی نیٹ ویور وہ نظام ہے جو دنیا بھر کی بڑی کمپنیوں میں کاروباری اپلیکیشنز چلانے کے لیے استعمال کیا جاتا ہے۔ نیشنل سرٹ کے مطابق حالیہ دریافت شدہ خامیوں سے ہیکرز کو سنگین فائدہ ہو سکتا ہے، جس سے سسٹم پر مکمل کنٹرول حاصل کیا جا سکتا ہے اور حساس ڈیٹا چوری ہونے کا خطرہ بڑھ گیا ہے۔
ایڈوائزری میں کہا گیا کہ یہ سیکیورٹی خامیاں غیر محفوظ فائل اپ لوڈ، تصدیق بائی پاس اور لاگ اِن کے بغیر سسٹم کمانڈز چلانے کی صلاحیت فراہم کرتی ہیں، جس سے اداروں کے ڈیجیٹل انفراسٹرکچر کو شدید خطرات لاحق ہو سکتے ہیں۔
نیشنل سرٹ نے تمام اداروں کو ہدایت کی ہے کہ وہ فوری طور پر سیکیورٹی اپڈیٹس انسٹال کریں، متاثرہ ماڈیولز تک نیٹ ورک رسائی محدود کریں اور اپنے سسٹمز کی مسلسل نگرانی یقینی بنائیں۔
مزید کہا گیا ہے کہ لاگز میں مشکوک سرگرمیوں پر خصوصی نظر رکھی جائے اور حساس ڈیٹا کے تحفظ کے لیے فوری اقدامات کیے جائیں۔ ایڈوائزری میں واضح کیا گیا ہے کہ اگر بروقت سیکیورٹی پیچ نہ لگائے گئے تو سسٹم مکمل طور پر متاثر ہوسکتا ہے۔
ماہرین کے مطابق یہ ایس اے پی نیٹ ویور سیکیورٹی خامیاں عالمی سطح پر کمپنیوں کے لیے خطرے کی گھنٹی ہیں، اس لیے ان پر فوری توجہ ناگزیر ہے۔
-
news1 month ago14 سالہ سدھارتھ ننڈیالا کی حیران کن کامیابی: دل کی بیماری کا پتہ چلانے والی AI ایپ تیار
-
کھیل5 months ago
ایشیا کپ 2025: بھارت کی دستبرداری کی خبروں پر بی سی سی آئی کا ردعمل
-
news6 months ago
رانا ثناءاللہ کا بلاول کے بیان پر ردعمل: سندھ کے پانی کا ایک قطرہ بھی استعمال نہیں کریں گے
-
news6 months ago
اداکارہ علیزہ شاہ نے سوشل میڈیا سے کنارہ کشی کا اعلان کر دیا
