فٹبال اسٹار کرسٹیانو رونالڈو اور ان کی دیرینہ ساتھی جیورجینا راڈریگز نے باضابطہ طور پر منگنی کی تصدیق کر دی ہے۔ جیورجینا نے سوشل میڈیا پر ہیرے سے جڑی انگوٹھی کی تصویر شیئر کرتے ہوئے کیپشن میں لکھا:

“اس زندگی اور آنے والی زندگی میں مجھے آپ قبول ہوں”۔ دنیا بھر سے مداحوں نے اس خبر پر جوڑے کو مبارکباد کے پیغامات بھیجے۔ خیال رہے کہ رونالڈو اور جیورجینا 2017 سے ایک ساتھ رہ رہے ہیں اور ان کے ہاں دو بیٹیوں کی پیدائش ہو چکی ہے۔

پاکستان کے اولمپک گولڈ میڈلسٹ ایتھلیٹ ارشد ندیم کا لندن میں پنڈلی کے مسلز کا پروسیجرل آپریشن کامیابی سے مکمل کر لیا گیا ہے، جہاں وہ معروف ماہر ڈاکٹر علی باجوہ کی نگرانی میں کیمبرج میں زیر علاج ہیں۔ ذرائع کے مطابق ارشد ندیم کے پنڈلی کے مسلز کو جزوی نقصان پہنچا تھا جس کی وجہ سے وہ سوئٹزرلینڈ میں ہونے والے ایک اہم مقابلے سے دستبردار ہو گئے تھے۔ ان کا فالو اپ چیک اپ آج متوقع ہے، جس کے بعد ان کی باقاعدہ فزیو تھراپی کا آغاز کیا جائے گا۔ معالجین اور ان کے کوچ سلمان اقبال بٹ نے امید ظاہر کی ہے کہ ارشد جلد دوبارہ ٹریننگ کا آغاز کر سکیں گے اور مکمل صحتیابی کے بعد ایک بار پھر عالمی ایتھلیٹکس میدان میں پاکستان کی نمائندگی کریں گے۔